Antonio Ameijide explica que estes datos obtivéronse da documentación oficial da Deputación de Lugo á que se pediu acceso o pasado 16 de novembro sobre os medios do parque móbil provincial
Lugo, 14 de decembro de 2023. Os deputados do Grupo Provincial Popular na Deputación de Lugo levan moitos meses denunciando o reparto sectario que José Tomé fai dos medios do parque móbil provincial, unha afirmación que vén de reafirmarse nos datos oficiais deste departamento aos que tiveron acceso os deputados populares.
O voceiro popular, Antonio Ameijide, explica que o pasado 16 de novembro se solicitou, por escrito, acceso a toda a documentación relativa ás diferentes actuacións realizadas cos medios do parque móbil da Deputación de Lugo nos último anos, unha documentación que confirmou que “durante 2022 e 2023 José Tomé realizou un reparto a dedo destes medios xa que o 80% dos concellos nos que actuaron tiñan un alcalde do PSOE”.
Ameijide denuncia que “tanto PSOE como BNG, pero sobre todo o presidente da Deputación Provincial de Lugo pensan que están no seu propio cortijo”.
O popular afirma que “no goberno provincial cren que os medios desta Deputación están unicamente para favorecer a Tomé e aos seus “favoritos” dentro do PSOE, sendo o parque móbil o mellor exemplo”.
A realidade é que as brigadas que deberían de estar ao servizo de todos os municipios da provincia, non o están.
Na documentación referente ás intervencións realizadas polas brigadas do parque móbil nos diferentes municipios da provincia durante 2022 e 2023 comprobamos como quedaron sen atender o 75% dos municipios durante este tempo. “Coas brigadas só se actuou nun de cada catro concellos, o 25%. E dentro deste 25%, máis do 80% dos municipios nos que se actuou estaban gobernados polo PSOE”, denunciou.
“Esta é a igualdade de trato que defende o PSOE, unicamente atender a quen decide a dedo o presidente da Deputación”, criticou, ao que engade que “nin sequera ser do PSOE é suficiente para Tomé, tes que estar tamén dentro do seu círculo de ‘elixidos’”.
PLAN DE INTERVENCIÓN NOS MUNICIPIOS DA PROVINCIA
Antonio Ameijide recorda como no pleno de xullo deste ano se defendeu unha iniciativa, á que PSOE e BNG votaron en contra, para crear unha mesa de traballo, cunha periodicidade trimestral, na que estivesen presentes todos os grupos políticos e o persoal que se considerase oportuno para que, en primeiro lugar, se dera conta de con que concellos colaborou a Deputación Provincial de Lugo no arranxo e mantemento da rede viaria nos últimos catro anos e a relación dos Concellos cos que tiñan previsto colaborar durante o presente ano 2023.
Para os deputados populares “é fundamental deseñar un plan de colaboración cos Concellos para poñer a disposición de todos os municipios da provincia os medios existentes no parque móbil provincial en base a criterios obxectivos e igualitarios”, para que a distribución dos medios dispoñibles no parque móbil e na programación do traballo teñan preferencia aqueles municipios nos que nunca se actuara ou se fixera na data máis afastada dende a súa posta en marcha, ou por motivos de urxencia e necesidade debidamente acreditados.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
