Daniel García valorou que “PP e PSdG aparcaran as proclamas partidarias para reclamar aos seus respectivos gobernos impulsar dúas infraestruturas fundamentais para a Mariña”
Lugo, 26 de decembro de 2023. O grupo provincial do BNG logrou que o PP e PSdG acepten trasladar aos seus respectivos gobernos na Xunta e no Estado a necesidade de poñerse dacordo para impulsar as infraestruturas pendentes na Mariña.
O voceiro nacionalista Daniel García valorou que “o PP e o PSdG aparcaran as proclamas partidarias e se aviran a un acordo para esixir a Xunta de Galiza e ao goberno do Estado prazos e investimentos para dúas infraestruturas fundamentais para a comarca como son a VAP Costa Norte e a A-74 polas que levamos agardando décadas”
O deputado mariñao incidiu “na importancia destas vías de comunicación para vertebrar e conectar a Mariña ante un futuro que se presenta con incertezas” e comprometeu o traballo do BNG para que “o acordo acadado hoxe se refrende con actuacións concretas”.
O BNG logrou a unanimidade do Pleno Provincial cunha proposta que insta ao goberno da Xunta de Galiza a reactivar de xeito inmediato a construción da VAP Costa Norte, presentando unha folla de ruta con prazos e investimentos concretos que fixen unha data de remate para a vía entre San Cibrao e Ferrol, así como consensuar co goberno do Estado unha cronograma para axilizar a A-74 entre Barreiros e San Cibrao.
A proposta da formación nacionalista logrou superar os vetos cruzados de PP e PSdG para sacar adiante un acordo que prioriza as solucións á débeda histórica que os gobernos da Xunta de Galiza e do Estado manteñen coa Mariña.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
