“A dixitalización e sensorización da rede permitiríanos ter información en tempo real do estado da auga e das súas infraestruturas, mellorando o subministro e reducindo as perdas de auga”, explica a alcaldesa, Marta Rouco
Vilalba, 14 de decembro de 2023. O Concello de Vilalba aprobou en pleno optar a unha convocatoria do Goberno con fondos europeos cun proxecto para dixitalizar a rede municipal de auga, mellorando a calidade do servizo que reciben os veciños e veciñas.
A convocatoria forma parte do Plan de Recuperación, Transformación e Resiliencia (PERTE de dixitalización do ciclo da auga) do Ministerio para a Transición Ecoloxica (Miteco).
“O proxecto consiste en aplicar as tecnoloxías dixitais e da información para mellorar a eficiencia e a calidade dos servizos relacionados co ciclo integral da auga, é dicir, a captación, distribución, tratamento e reutilización deste recurso”, explica a alcaldesa, Marta Rouco.
A través da empresa concesionaria do servizo, Espina e Delfín, Vilalba preséntase á convocatoria cos concellos de Boqueixón, Burela, Curtis, A Illa de Arousa, Melide, Mesía, Ordes e Sanxenxo. O importe do proxecto é de 1.556.349,69 euros e a subvención solicitada é de 1.500.000 euros.
“O proxecto opta a fondos europeos para impulsar a dixitalización e sensorización da rede coa instalación de equipos tecnolóxicos de última xeración, que permitirán un control exhaustivo dispoñendo de información precisa en tempo real do estado da auga e das súas infraestruturas, mellorando a eficiencia enerxética, a redución de perdas de auga, a información dos usuarios sobre o seu subministro e un adecuado control dos verquidos”, engade a alcaldesa.
“É prioritario para este goberno realizar actuacións para garantir o desenvolvemento sostible do concello; somos conscientes do elevado custo das actuacións e por iso agradecemos ao Goberno do Estado que poña esta ferramenta de colaboración público/privada ao noso alcance”, apunta.
“Queremos contar cos mecanismos que nos permitan a mellor xestión e anticiparnos ás problemáticas futuras que se poidan dar nos distintos eidos, respectando os ecosistemas e garantindo o cumprimento da lexislación”, remata Marta Rouco.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
