O Pescados Rubén Burela FS lévase o primeiro partido do campionato ante o FC Marlène
Burela, 19 de decembro, 2023. Comezou a FutsalWEC (Friendly Edition) esta tarde de martes ás 18.00h no pavillón municipal Vista Alegre de Burela. Con tres xornadas de 2 partidos por xornada e un encontro final (venres ás 20.00h), nos que se enfrontan os equipos campións de liga de catro países, Italia (Bitonto C5 Femminile), Portugal (SL Benfica), Países Baixos (FC Marlène) e España (Pescados Rubén Burela FS). Protagonizaron a apertura do campionato europeo, autorizado por FIFA, UEFA, RFEF e RFGF, o SL Benfica e Bitonto C5 Femminile nun primeiro enfrontamento moi emocionante no que o conxunto portugués se levou a vitoria por 4-3, un partido moi igualado que rematou con dous goles no minuto 40, presionando con porteira-xogadora o equipo italiano. No segundo encontro da xornada, ás 20.00h estréase no campionato o Pescados Rubén ante o FC Marlène, un encontro no que tivemos unha intervención moi especial no prepartido no que Miguel Albo puido charlar uns minutos con nosa Sempre Laranxa, Patricia González Mota, Peque.
Nun encontro dominado polo Burela durante os 40 minutos de xogo, comeza o Furacán Laranxa a soprar no minuto 1, cun golazo de Emilly por toda a escuadra nun disparo afastado. No minuto 5 Cilene aproveita un rexeite tras un disparo de Noelia Montoro que detén Jacky Reus e anota o 2-0. Continúa a presión do conxunto burelense ata o descanso sen goles.
Na segunda parte Aroa anota o 3-0 no minuto 24 nun rexeite provinte do conxunto rival que aproveita cun dereitazo. No 31 chega o 4-0 cun gol de Irene Samper dende a banda ao segundo pau e uns segundos despois volve a Máquina Emilly desde a frontal disparando e meténdoa entre os paus de Jacky de novo. Remata o encontro Kyara de Bruin metendo o 6-0 en propia meta nun rexeite tras un disparo de Patricia.
Preparadas para o partido de mañá ás 18.30 ante o SL Benfica, esperando sacar a espiña cravada na Copa Ibérica, competición na que o conxunto mariñán non conseguiu exceder ao equipo lisbonense. Nesta ocasión as de Julio Delgado poderán tentalo de novo arroupadas pola súa afección e familia, na casa.
Todos os partidos poden verse en directo por streaming (prepartido, partido e postpartido) a través desta ligazón (Locutados polo noso habitual Miguel Albo, coa especial colaboración de David Rial, adestrador do equipo masculino do Pescados Rubén Burela FS. Tamén vos acompaña o noso gran amigo, Joaquín): futsalwec.com/directo/
Ficha Técnica Pescados Rubén Burela FS – FC Marlène
Pescados Rubén Burela FS (6): Caridad; Dany, Irene Samper, Noelia Montoro, Emilly -quinteto inicial-, Cilene, Cami, Antía Pérez, Aroa, Rafinha, Patricia, Jozi Oliveira. Adestrador: Julio Delgado.
FC Marlène (0): Jacky Reus; Zoyla Barendse, Sanne Brand, Aaike Verschoor, Amy Visser -cinco inicial-, Isle de Jong, Juul van der Kolk, Simone Hand, Asmae Nabili, Kyara de Bruin, Nieki Pellens, Marese Meester. Adestrador: Mo Bouchibti
Goles: 1-0, min.1: Emilly. 2-0, min.5: Cilene. 3-0, min.24: Aroa. 4-0, min.31: Irene Samper. 5-0, min.32: Emilly. 6-0, min.37: Kayra de Bruin (PP).
Árbitros:Amor Vizoso, Castro Fernández, López Riveiros e García Vázquez.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
