Foz, 12 de decembro de 2023. O Concello de Foz abriu ao público hoxe, martes, o parque infantil de tráfico situado no peirao de Foz, unha zona segura de 2.100 metros cadrados para aprender a andar en bicicleta. “Pensamos en que os espazos deben usarse, non permanecer pechados. Despois do traballo feito por alumnos da Escola Obradoiro e por operarios municipais rehabilitamos o parque de tráfico do porto de Foz, que agora abrimos permanentemente ao público. É un espazo idóneo para aprender a andar en bicicleta xa que estamos a falar dun circuíto de 330 metros de lonxitude con rectas de 60 metros nun entorno seguro, explica o alcalde, Fran Cajoto.
O espazo, no que tamén se permiten patinetes e patíns, pecharase unicamente en caso de xornadas organizadas pola Policía Local.
O concelleiro de Parques e Xardíns, Ángel Fernández Neira, engade que “a aula está aberta a todos os colexios que queiran programar unha xornada de educación vial, que será impartida pola Policía Local de xeito gratuíto. Para fixar unha data deben poñerse en contacto coa Policía Municipal e facer unha solicitude no rexistro do Concello”.
O uso polivalente do espazo segue a tendencia que se marcou no anterior mandato coas pistas deportivas de Pintor Laxeiro, situadas no recinto do CEIP O Cantel.
Tamén hoxe, martes, a Xunta de Goberno da Deputación de Lugo vén de aprobar un convenio de 120.000 euros co Concello de Foz para a renovación completa dos parques infantís de Julia Minguillón, Marzán e Cú do Castro, na praia de Llas.
“Seguimos a coidar as nosas rúas e os nosos parques, nos que todos os días xogan as pícaras e pícaros de Foz. Do mesmo xeito que fixemos no Paseo de Colón, na Rapadoira, na área de xogos da Praza de Galicia ou no parque de Uxío Novoneyra, grazas ao presidente José Tomé e á financiación da Deputación de Lugo imos renovar tres parques que están nun mal estado de conservación: Julia Minguillón, Marzán e Cú do Castro, en Llas”, indica o alcalde, quen especifica que “a renovación do parque de Julia Minguillón, de 250 metros cadrados e orzamentada en 63.000 euros, inclúe a substitución do chan de losetas por un pavimento continuo encapsulado de cores, no que se van a dispoñer entre outros xogos dúas estruturas con tobogáns, randeeiras e resortes. Os parques de Marzán -125 metros cadrados- e Cú do Castro, en Llas -153 metros cadrados- recibirán uns investimentos de 32.000 e 25.000 euros respectivamente e inclúen tamén a disposición de novos chans de pavimento continuo encapsulado e novos xogos e estruturas”.
Para rematar o rexedor municipal destaca: “seguimos traballando co obxectivo claro de crear entornos seguros e mellorar os espazos públicos da nosa vila e de todo o concello”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
