José Manuel Balseiro lamentou que “a lentitude ou paralización de expedientes por parte deste organismo derivou na perda en Galicia do investimento de 35 millóns de euros de fondos europeos”
Compostela, 12 de decembro de 2023. O Parlamento de Galicia aprobou hoxe por unanimidade a proposición non de lei do Grupo Popular a través da que se solicita ao Goberno de España que a Dirección Xeral da Costa e o Mar clarifique e unifique criterios á hora de informar sobre a instalación de infraestruturas hidráulicas no dominio público marítimo terrestre, co fin de axilizar a tramitación e autorizacións de actuacións esenciais para garantir o saneamento das nosas rías. “A lentitude ou a paralización dos expedientes por parte deste organismo derivou na perda en Galicia do investimento de 35 millóns de euros de fondos europeos que tiñan un destino finalista para este tipo de obras e un prazo concreto de execución”, concretou o deputado popular José Manuel Balseiro.
Na súa intervención, Balseiro lamentou que “neste momento o principal obstáculo para que Galicia dispoña de máis e mellores depuradoras para reducir os vertidos nas nosas rías é o comportamento que está a ter a Dirección Xeral da Costa e o Mar, dependente do Ministerio para a Transición Ecolóxica e o Reto Demográfico”.
OBSTÁCULOS CONSTANTES
En concreto, manifestou que, “á hora de levar adiante unha obra hidráulica, concellos e Xunta están atopándose cos obstáculos desta Dirección Xeral pola interpretación da Lei de costas, con requirimentos continuos e peticións de documentación desproporcionada e extemporánea que complican o avance das obras; e a lentitude ou, directamente, a paralización na tramitación dos informes necesarios”.
Balseiro citou, a modo de exemplo, actuacións que se viron afectadas por este proceder da Dirección Xeral da Costa e o Mar: o novo emisario de Praceres en Pontevedra, que tardou 37 meses en enviar os informes; o saneamento de Foz, outro tanto tempo de retraso; case dous anos de espera para saber que non autorizaba as obras en Cabanas; ou 84 meses esperando por permisos para o saneamento de Viveiro.
“Estes retrasos teñen como consecuencia non desexada a perda de fondos europeos consignados no período operativo 2014-2020 para o saneamento das rías, que a Consellería de Infraestruturas ten cuantificado en 35 millóns de euros”, lamentou o deputado popular, quen afirmou que “se este organismo estatal aplicara criterios lóxicos e uniformes na súa interpretación das leis vixentes, hoxe as rías galegas xa estarían saneadas na súa totalidade”.
Por outra parte, José Manuel Balseiro salientou o traballo que vén desenvolvendo a Xunta por mellorar a calidade das augas das nosas rías, cun investimento de 1.100 millóns de euros en 10 anos que permitiron duplicar a capacidade de depuración e mellorar en todas as áreas a calidade das augas”. “Pero, para seguir avanzando, necesitamos a concorrencia, axuda e colaboración doutras administracións, algo que non está a acontecer coa Dirección Xeral da Costa e do Mar do Goberno central”, lamentou.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
