Pilar García Porto presidiu a última reunión de 2023 do Consello Provincial de Turismo, ante o que explicou a programación realizada dende a área que dirixe para “continuar apostando por un turismo de calidade, sostible, non masificado e atractivo os 12 meses do ano”
Lugo, 12 de decembro de 2023. A Vicepresidenta do Consello Provincial de Turismo e Deputada de Réxime Interior, Promoción do Territorio e Turismo, Pilar García Porto, presidiu este martes no Salón de Plenos da Deputación a última reunión do ano deste órgano participativo e consultivo impulsado pola institución provincial, ante o que explicou a programación realizada ao longo deste ano 2023, con medio cento de accións distintas. Destacou que con esta estratexia “se consolida o modelo de turismo da Deputación, apostando por un turismo de calidade, sostible, non masificado e atractivo os 12 meses do ano”.
A Deputación de Lugo desenvolveu un programa de accións en materia de turismo dinámico e baseado na propia experiencia da persoa que descubre a provincia a través das diferentes actividades. Deulle continuidade a programas como o Actívate, de turismo deportivo e de aventura; tamén ao Coñece a túa provincia, que volveu con dúas etapas dando a oportunidade de viaxar a case 8.000 persoas, xerando un retorno económico de medio millón de euros. Ademais, no mes de maio festexouse o Día da Transrománica con visitas guiadas a monumentos deste estilo arquitectónico en 19 concellos.
Tamén se destacou na reunión o éxito das rutas fluviais que promove a institución provincial na Ribeira Sacra. Unha iniciativa que vén de pechar unha temporada de récord, coa participación de máis de 60.400 persoas.
Neste ano, a Deputación participou en feiras como Fitur, Expocidades, Xantar, Fairway, e Produart. Así mesmo, colaborou co impulso de concertos de música clásica nos institutos coa acción Música e memes, co Primeiro Encontro da Cultura do Viño da Ribeira Sacra, a Feira de San Isidro da Milagrosa ou a Feira do Bonito, entre outras. Estas son iniciativas que se combinaron cos patrocinios de eventos, como a participación do piloto monfortino Eduardo Iglesias no Dakar 2023, o Resurrection Fest 2023, o Festival Trece Roeis 2023, ou o Cume de Tapas Eróticas, entre outras.
A Deputación tamén impulsou un ano máis recoñecementos como os premios á excelencia turística e gastronómica da provincia, que recaeu na Festa da Filloa de Muimenta.
Unha colaboración pegada ao territorio
A Deputación colaborou co tecido asociativo e cos concellos da provincia para facilitar a súa actividade diaria, accións concretas ou novas dotacións que camiñan cara un turismo máis atractivo, sostible e desestacionalizado. É o caso, por exemplo, da Mancomunidade de Municipios da Mariña, o Consorcio da Ribeira Sacra, o Club Turístico Terra Chá, a asociación Aturuxeiros de Bravos, a Fundación Xesús Bal y Gay, a APEHL ou a Asociación de Mulleres Rurais San Bartolomeu de Insua, entre outras.
Así mesmo, unha das liñas do Plan Único de Cooperación cos Concellos engloba accións e actividades en materia turística, que este ano ascendeu a preto de 150.000€ e que serve para impulsar a promoción de recursos turísticos, feiras e festas, ou campañas de promoción.
O Consello Provincial de Turismo celebrará, como vén sendo habitual desde a súa creación, unha reunión a primeiros de ano para abordar actividades do vindeiro ano, aínda que a Deputación continúa impulsando iniciativas de maneira continuada. De feito, xa está preparando a súa participación en FITUR 2024.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
