Tres puntos fóra da casa moi importantes para manter posicións nos postos de Playoff nun partido no que o porterio burelés, Bruno (“Chispa” entre os seus compañeiros durante a tempada pasada en Burela), luceuse especialmente na primera parte
Burela, 2 de decembro, 2023. Esta tarde ás 17.30h no Ciutat de Castelló xogábase a 11ª xornada da Segunda División de Futsal, Playas de Castellón – Pescados Rubén Burela FS, un encontro retransmitido pola RFEF e moi especial por enfrontarnos a dous antigos integrantes do noso equipo, Bruno e Antón Arnejo, que sufriron ante un conxunto que se mostrou superior durante os 40 minutos, dominando o partido e cun destacado control da posesión do balón durante practicamente todo o xogo. Con 14 minutos de presión con porteiro-xogador por parte do rival o equipo burelense consegue manter o resultado cunha defensa e un Michal exemplares e levar uns 3 puntos moi importantes para manterse nas posicións máis altas da táboa, aínda que tamén para continuar gañando confianza dentro dunha plantilla que aínda nos pode seguir sorprendendo.
As primeiras ocasións máis claras chegan nos minutos 9 e 10 con dous tiros frontais potentísimos que detén Bruno coas mans. No minuto 11 de novo aparecen as mans de “Chispa” para frustrar un disparo directo de falta de Ismael con moi boa puntería. No minuto 12, tras un tempo morto pedido por Manuel Collado o Ciutat de Castelló é testemuña dunha incrible xogada na que tras unha saída de Michal que lla pasa a Isma, este céntraa con gran mestría chegando Charly para rematar de cabeza cun espectacular salto que chega ao balón pero roza o pau. Dous minutos despois Álex García róubaa case na área rival e a lanza por encima do traveseiro, unha das oportunidades máis claras do partido ata o momento. No minuto 16 o conxunto valenciano ten unha ocasión clara, cun roubo de Eusuque e disparo que detén Kaluza. Pero un minuto máis tarde o tamén canteirán burelense Quelle mete o primeiro tanto do encontro cun golazo aproveitando moi ben un pase longo de Kaluza. Remata a primeira parte 0-1 cunha última boa ocasión para o Playas de Castellón nunha falta moi perigosa que saca Guancho cun disparo directo ao segundo pau que o roza saíndo fóra.
Na segunda parte continúa dominando o partido o Pescados Rubén Burela FS, presionando durante os primeiros 6 minutos e xerando numerosas ocasións durante toda a segunda metade. No minuto 23 chega o gol dun Malaguti que levaba buscando a portería durante todo o partido, consegue o 0-2 cun bonito gol tras un xiro fronte á portería dentro da área. Tres minutos despois Charly mete o 0-3 cun golazo pola escuadra tras unha boa recuperación en campo rival. O conxunto castellonense opta por presionar con Barbero de porteiro-xogador a 14 minutos do final do encontro. Táctica que manterá ata o final do mesmo e conseguindo un gol no minuto 32 do mesmo Barbero exercendo de porteiro-xogador nun segundo rexeite tras un paradón de Michal, que coma sempre fixo un partido espectacular e, ademais da sólida defensa dos Pícaros nestes tantos minutos de xogo, foi un papel crave nesta segunda parte.
Unha vez máis o conxunto de David Rial demostrou ser a mellor defensa da Segunda División de Futsal, con 19 goles encaixados, seguido polo UMA Antequera con 25, e continúa escalando postos, situándose cuarto tras o empate do UA Ceutí e a vitoria de O Parrulo que se mantén terceiro. Na próxima xornada os Pícaros enfrontaranse ao Atlético Mengíbar FS en Vista Alegre, un rival perigoso que necesita puntuar para non caer nos postos de descenso.
Ficha Técnica Playas de Castellón – Pescados Rubén Burela FS
Playas de Castellón (1): Bruno; Éric, Guancho, Cola, Antón Arnejo -quinteto inicial-, Henri, Toni, Gensuke, Lorca, S. Barbero, Lemos, Noel Manu.
Pescados Rubén Burela FS (3): M.Kaluza; Lucho, Quelle, Isma, Malaguti -quinteto inicial-, Nico Rosental, Alberto, Flethes, Álex García, Charly, Ismael, Mika.
Goles: 0-1, min.17: Quelle. 0-2, min.23: Malaguti. 0-3, min.26: Charly. 1-3, min.31: S. Barbero.
Árbitros: Jairo Leiva Martínez, David Pizarro Megías, Julio Esteve Ramírez, Judith Martín López.
TA: Charly.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
