No 2023 procedeu ao cambio de sete portas nese edificio
Ribadeo, 7 de decembro de 2023. Ribadeo investirá o vindeiro ano 50.000 euros na mellora do centro de día A Concordia, segundo subliñou o alcalde, Daniel Vega. Neste 2023 procedeu ao cambio de sete portas nese edificio.
O rexedor dixo que “cando chegamos ao goberno vímonos na obriga de actuar para mellorar o edificio, tamén escoitamos á dirección e aos técnicos que nos trasladaron que había unha falta de inversión e que había que solucionalo”.
Vega explicou que “no 2023 investimos 16.700 euros, cambiáronse xa as portas concretamente sete. E iso foi con cargo ao primeiro dos convenios coa Xunta de Galicia. O segundo convenio será no 2024 con 50.000 euros para seguir mellorando o edificio”.
O alcalde asegurou que “tamén queremos colaborar co propio centro nas actividades a desenvolver durante todo o ano e iso tamén é algo fundamental e algo importante. Entre o Concello, a dirección do centro e a Xunta de Galicia estamos a traballar e a avanzar en dúas liñas: actividades para os nosos maiores e tamén na mellora do edificio do centro de día A Concordia”.
Para Dani Vega “este traballo e esta colaboración é a que trae inversión para Ribadeo, unha colaboración con todas as administracións: Deputación, Xunta e Goberno do Estado, algo fundamental como é a coordinación, a planificación e a inversión”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
