15.000 persoas, segundo a Policía Local (máis de 20.000, segundo os organizadores), atenderon este domingo en Compostela unha grande demostración na defensa do rol ambiental, produtivo e socialmente vertebrador do noso mar. Porque a maré humana deste 21-X foi convocada pola unidade de acción entre o movemento ecolóxico-ambientalista, os sectores produtivos do mar ( marisqueo a pé e a flote, pesca de baixura, sector mexilloeiro…) e máis por unha grande morea de axentes da sociedade civil galega: os principais sindicatos, organizacións de consumidores como ACOUGA e máis a ampla reivindicación sectorial no ámbito dos servizos públicos galegos…
Cómpre referirmos a dúas cuestións esenciais nesta xeira. Por unha banda o ambientalismo globalista de Greenpeace atendeu desta volta esta convocatoria. Agardermos, logo, que vaian entendendo o vencellamento dos sectores galegos da mar-industria coa ecoloxía humana da nosa costa ao longo dos 1.500 kms da mesma. Pola outra os sectores produtivos do mar galego e mais o movemento ecolóxico-ambientalista todo, por primeira vez na Europa, converxeron nunha plataforma reivindicativa a prol da produción alimentaria, da viabilización demográfica da nosa costa e máis da calidade ambiental deste noso país.
De certo que a xestión da Xunta de Galicia na crise dos granulados de plástico foi moi desaquelada e repenicou os graves erros da catástrofe ambiental do Prestige, malia a diferente dimensión cuantitativa canto ás pèrdas potenciais dunha e doutra crise. Mais no Goberno galego neste comezo de 2024 abrollaron as mesmas técnicas de negación, minimización e proxección das responsabilidades nos outros (quer nun Goberno do Estado tamén lento e pasivo, que amosou non ser quen de desenvolver acaídamente as competencias do salvamento marítimo) e mesmo na oposición, Seica un deporte no que Feijóo xa era campión europeo e que arestora xa lle aprendeu ao seu sucesor, Alfonso Rueda. Un sucesor que, seica menos de quince días despois da primeira finde desta crise, remanece abraiado diante da incompetencia e sectarismo da súa vicepresidenta Ánxeles Vázquez. Velaí un dos graves problemas que tes cando che fai outra persoa a túa equipa ou mesmo o teu Goberno.
Os granulados de plástico constitúen unha grande ameaza ambiental e produtiva para o noso mar. Mais coinciden coa inacción e inoperancia de 15 anos do Goberno galego fronte ás terríbeis perdas na produción de bivalvos nas nosas rías superiores ao 70% , ao esfarelamento da nosa flota de baixura e ás continúas eivas botadas por riba do noso sector mexilloeiro (líder mundial) desque chegou o PP á Xunta na primavera de 2009. Velaí que foran o motor da mobilización que o mar galego requiría dende hai ben de anos.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
