A rexedora, Dolores García Caramés, o o presidente desta entidade deportiva, Manuel Blanco, asinaron un documento que compromete a visita de profesionais da elite deste deporte aos centros escolares do municipio para fomentar hábitos de vida saudable, nunha contorna de igualdade; entre outras iniciativas
Cervo, 24 de xaneiro de 2024. O Concello de Cervo vén de subscribir un convenio de colaboración co Burela Fútbol Sala co obxectivo de promocionar as instalacións municipais e de fomentar a práctica deste deporte e os hábitos de vida saudables entre a mocidade do municipio.
No sinatura participaron a rexedora, Dolores García Caramés, acompañada polos concelleiros Adrián Arias e Alfredo Fernández, e o presidente do Burela FS, Manuel Blanco.
O documento contempla a visita dos membros do primeiro equipo do Burela FS masculino e feminino aos centros escolares do municipio, que participarán ao longo do curso, e sempre que os seus compromisos de competición llo permitan, en diferentes charlas e seminarios co fin de compartir cos nenos e nenas as súas experiencias como profesionais da elite neste deporte, e súa realidade diaria, fomentando tamén unha contorna de igualdade.
Ademais, o convenio permitirá ás crianzas das Escolas Deportivas Municipais participar nos diferentes eventos organizados polo Club, cun trato preferente e/ou con descontos especiais se tivesen custo, entre outras vantaxes.
Pola súa banda, o Concello de Cervo, tal e como explicou a alcaldesa, “comprométese a ceder ao Burela FS o uso das instalacións deportivas municipais, sempre, iso si, que sexa compatible coa actividade habitual que hai nas mesmas”, organizando a súa cesión en función da dispoñibilidade.
A rexedora puxo en valor este convenio “moi positivo para o noso Concello” e destacou a importancia da “colaboración institucional”, que neste caso vai permitir á nosa comunidade educativa poder compartir intres moi proveitosos e interesantes con profesionais do Fútbol Sala de elite.
Caramés trasladoulle tamén ao presidente os parabéns “polo traballo impecable que están a facer coas dúas sección do Club”. No caso da feminina, cun palmarés de vertixe, xa que se fixeron cos catro títulos nacionais e autonómicos que se puxeron en xogo a pasada tempada. Na que o equipo masculino tamén tivo un papel moi destacado disputando o play off de ascenso á Primeira División.
Quixo así mesmo, desexarlles sorte neste curso, cun título xa en xogo para o cadro feminino o próximo mes, coa Supercopa.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
