“Queremos garantir as mellores condicións de vida e cotas de benestar”, afirmou a candidata
Lugo, 29 de xaneiro 2024. A cabeza de lista do BNG ao parlamento galego, Olalla Rodil, presentou as propostas do BNG no eido da política social e de benestar. Rodil anunciou que o BNG, a partir do 18 de febreiro, creará un Servizo Galego do Benestar, “un sistema de xestión público, similar ao SERGAS, que garanta o acceso de toda a poboación aos servizos sociais”. A proposta do BNG contempla a creación dun só ente público que xestione as residencias de maiores, os servizos de axuda no fogar e os centros para persoas con discapacidade.
“O envellecemento poboacional de Galiza supón un reto que debemos afrontar, nunca un problema”, explicou a candidata do BNG, que engadiu “o goberno de Galiza ten que garantir o dereito a envellecer no propio fogar coas mellores condicións de vida posibles”.
Actualmente, a poboación galega é unha das poboacións máis lonxevas do mundo, desde o BNG poñerase a disposición de todas as persoas maiores unha rede de servizos públicos fortes que permitan envellecer nas casas, xunto cun programa de prevención da dependencia e de promoción da autonomía persoal, “garantindo a calidade de vida a todas as nosas persoas maiores”, afirmou Olalla Rodil.
A proposta do Servizo Galego do Benestar contempla a creación dun só ente público que xestione as residencias de maiores, os servizos de axuda no fogar e os centros para persoas con discapacidade.
Ademais, propón reformular o modelo do Servizo de Axuda no Fogar, de forma que se poida prestar este servizo ao maior número de persoas maiores en situación de dependencia garantindo criterios xerais na prestación do servizo, xunto cun novo Impulso dun novo modelo de residencias baseado na Proposición de lei galega de residencias elaborada polo BNG na presente lexislatura, que garanta unha xestión centrada nas persoas e cunha rede pública ampla.
O BNG ampliará tamén a rede de centros de día públicos priorizando a súa implantación nos concellos que actualmente non dispoñen deste servizo e aqueles nos que existe maior demanda, garantindo un enfoque preventivo da dependencia e promoverán un envellecemento saudable ademais de sinerxias interxeracionais. Ademais, crearanse novos centros de noite ou opcións non institucionalizadas de vivenda compartida para aquelas persoas que non desexen pasar a noite en soidade e ampliarase a implantación de teleasistencia básica e avanzada como mecanismo de monitorización dirixido, especialmente, á poboación que vive soa.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
