Lugo, 27 de xaneiro de 2024. O Presidente da Deputación de Lugo, José Tomé Roca, participou este sábado xunto ao Alcalde da Fonsagrada, Carlos López, na entrega de premios do Trail Terras de Burón, que se celebrou, por segundo ano consecutivo, no municipio fonsagradino co apoio da Deputación de Lugo.
Tomé Roca felicitou aos gañadores e gañadoras que participaron nas distintas distancias e modalidades. Uns parabéns que trasladou ao resto de participantes, “porque en deportes de tanta esixencia, o feito de participar e esforzarse é tamén unha vitoria persoal”. Tamén tivo agradecementos o Presidente para os organizadores do Club Terras de Burón, o Alcalde e o seu equipo de goberno, “polo traballo para consolidar unha proba que en tan pouco tempo vai camiño de ser un referente no atletismo galego e nacional”.
“Esta competición, realmente espectacular no seu trazado, é unha fiestra aberta sobre a paisaxe da Fonsagrada. Unha forma moi atractiva de dar a coñecer o patrimonio natural, cultural e monumental da nosa provincia. Os participantes percorren a ruta, e as fotos, os vídeos, as experiencias e as lembranzas da proba viaxan lonxe a través dos medios de comunicación e das redes sociais”.
O II Trail Terras de Burón, tamén coñecido como Trail de Inverno, contou cunha andaina e tres carreiras de montaña con distintas distancias: o trailiño, o Trail das Seimeiras, e a Maratón das Seimeiras. Nesta segunda edición, a proba deportiva duplicou practicamente o número de participantes con respecto ao ano pasado, que estivo en torno ás 350 persoas.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
