Aprobado tamén o Plan Anual de Contratación que prevé que a institución saque adiante neste ano 2024 contratos por un importe total que supera os 33M€
Lugo, 9 de febreiro de 2024. A Xunta de Goberno aprobou este venres investimentos de máis de 1,2M€ para seguir mellorando a rede de estradas provinciais. Tal e como explicou a Voceira socialista, Pilar García Porto, a Deputación de Lugo licitou unha obra para acondicionar un novo tramo do Cinto Comarcal ao seu paso polos concellos de Friol, Outeiro de Rei e Begonte; o inicio da LU-P-1702 que conecta en Cospeito Feira do Monte e Fontefría; e un treito da LU-P-2913 que comunica Lugo e Guntín desde a parroquia de Coeses ata Terlama, en Ferroi.
Concretamente, a Deputación de Lugo investirá practicamente 900.000€ na renovación do firme de 7 quilómetros da LU-P-1611, coñecida como o Cinto Comarcal, ao seu paso polos concellos de Friol, Outeiro de Rei e Begonte. Unhas obras que terán un prazo de execución de tres meses dende o seu inicio, e que consistirán na mellora da drenaxe, na pavimentación con aglomerado en quente e na sinalización no treito que vai do punto quilométrico 49,935 ao 57,150. Un proxecto “importante” que “aumentará a seguridade da vía e a comodidade dos numerosos condutores que a diario circulan por ela”.
Ademais, a Xunta de Goberno licitou por máis de 112.000€ unha obra para rehabilitar o firme doutro tramo da LU-P-1702, que conecta Feira do Monte e Fontefría, en Cospeito. Os traballos, que afectarán a un tramo de 1,3 quilómetros ao inicio da estrada, terán un prazo de execución de 2 meses, e consistirán na limpeza das cunetas, na pavimentación con aglomerado en quente e na sinalización mediante marcas reflexivas brancas.
No capítulo de estradas, García Porto deu conta ademais da licitación por máis de 240.000€ dun contrato para a mellora de 4 quilómetros da LU-P-2913, a estrada que une a parroquia de Coeses, no concello de Lugo, e o lugar de Terlama, no municipio de Guntín. Uns traballos que teñen un prazo de execución de 2 meses e que consistirán na apertura de cunetas, na mellora do firme con aglomerado en quente e na sinalización horizontal e vertical no treito que vai do punto quilométrico 4,230 ao 8,259.
Plan Anual de Contratación
Tamén se aprobou o Plan Anual de Contratación da Deputación de Lugo para este ano 2024, un documento de obrigada elaboración, segundo establece a Lei de Contratos do Sector Público, que fai unha previsión estimativa dos procedementos de contratación de servizos, subministracións e obras que desenvolverá a institución provincial ao longo deste ano. “Un documento de traballo, que reflicte a capacidade de planificación, de xestión e de transparencia deste Goberno”, segundo explicou García Porto, e que prevé que a Deputación sacará adiante neste ano contratos por un importe total que supera os 33M€, “unha cifra, en todo caso, estimativa”.
Aseos portátiles para Ombreiro, o Rato e Paradai
A Xunta de Goberno aprobou ademais a contratación da subministración, en réxime de arrendamento, de cinco aseos portátiles que se instalarán no entorno dos paseos de Ombreiro, Paseo do Rato e Paradai. O investimento da Deputación para a dotación deste servizo, que inclúe tamén a limpeza diaria e o mantemento destas cabinas sanitarias, é de 96.000€ e a duración do contrato, de 4 anos.
Impulsa TIC
A Voceira socialista do Goberno deu conta da licitación, por un importe de máis de 1,3 millóns de euros, de 4 novos lotes para o subministro de servizos e equipamentos tecnolóxicos que a Deputación proporcionará de maneira gratuíta aos 52 concellos da provincia que decidiron adherirse ao programa Impulsa TIC da institución provincial para avanzar na transformación dixital e, desta forma, prestar un mellor servizo público á veciñanza.
En concreto, o material servirá para dotar de equipos informáticos á oficina de asistencia en materia de rexistro; subministrar e instalar tablets e software para recoller a firma biométrica; subministrar e instalar os escáneres de mesa e o software que permite converter as imaxes de texto en datos de texto, o que permite optimizar as operacións con formularios ou facturas; e subministrar postos intelixentes, que facilitarán a mobilidade dos traballadores coa instalación de equipos portátiles que simplificarán tamén o teletraballo.
A Deputada informou de que está previsto que nas vindeiras semanas a institución aprobe a licitación de servizos e equipamentos polo investimento restante, para completar o total dos 4,5M€ cos que está dotado o proxecto que financia a Deputación cos fondos que conseguiu da Unión Europea, e que logo se procederá a subministración dos materiais aos concellos.
Raza Rubia Galega
Finalmente, a Xunta de Goberno tamén aprobou o informe xustificativo de ACRUGA sobre a entrega de 200.000 euros en axudas da Deputación no ano 2022, destinadas á promoción e potenciación de vacas reprodutoras de Rubia Galega nas explotacións da provincia de Lugo.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
