A realidade é a que é pero os medios de comunicación teñen dono e quen os financia arrima a brasa á súa sardiña para que todo se axuste aos intereses dos que pagan.
Lembro con cariño aquelas aulas no IES de Foz cando mercaba os xornais do día para analizar unha noticia (a negociación dun convenio en ALCOA, por exemplo), repartía a prensa entre o alumnado e preguntaba pola súa opinión.
As respostas non tardaban en chegar: “Imos ver, profe, por que nestes xornais os malos son os traballadores e a empresa ten razón, e por que nestoutros os empresarios son uns egoístas fillos de p… que explotan aos asalariados?”. E a miña réplica caía de caixón: “Pois porque cando falamos de intereses, sobre todo económicos, os xornais procuran defender as ideas daqueles que os financian”. E se no medievo mandaba máis o que arreaba as hostias máis fortes, hoxe en día teñen o poder os que controlan os medios de comunicación.
En campaña electoral as falacias contaminan aínda máis a información política e se non queres que cha “metan dobrada” debes ser moi crítico co que che contan e, sobre todo, con quen cho conta. Sabes que grupos –moi pouquiños!– controlan a información en España? Sabes cal é a súa ideoloxía? Sabes a quen defenden?… Sabías que se un periodista honesto quere exercer como tal o máis seguro é que remate na rúa? Así que nin códigos deontolóxicos nin farrapos de gaita!
E deste xeito, os medios públicos son sometidos “pola brava” e os privados untados “coa pomada” dos cartos que saen dos nosos petos. Sabes a burrada de millóns de euros que lles pagou Feijóo ás empresas de comunicación privadas para que defenderan a súa xestión? Sabes o que lles está a pagar Rueda? Os datos están aí e deberías consultalos.
Sen información veraz non hai democracia e o panorama é desolador. O medio máis influínte, a TVG, é un mediocre aparato de propaganda do PP. Os “xornalistas” mellor pagados escriben o que lle ditan os poderosos. As sondaxes de opinión amáñanse para lavarlle a cara ao candidato do PP e as enquisas prospectivas sobre as eleccións galegas cocíñanse para distorsionar as tendencias do voto. E a medida que a campaña avanza, a manipulación vai “in crescendo” nomeadamente por tres razóns.
A primeira, porque despois dese revés inesperado que o PP aturou nas xerais do 23X, Feijóo precisa dun desquite para consolidarse dentro do seu partido non sexa que lle aconteza o que lle pasou a Casado. De aí que veña a Galiza para resolver os problemas que ten en Madrid. O adianto da data electoral e a súa campaña están pensados pois en clave españolista e nada teñen que ver cos intereses dos galegos.
A segunda, porque o candidato do PP á Xunta é un home gris, sen liderado, con menos cultura política que o seu xefe e que corre o risco de meter a pata en calquera momento. Así que canto menos se mova, mellor. O máis intelixente que pode facer facer Rueda é rodar na súa moto e fuxir dos debates e das declaracións comprometidas, e no en tanto a TVG e a prensa amiga dedicaranse a construír a imaxe virtual dun líder inexistente.
E a terceira e a máis importante, porque agora o PP está a verlle as orellas ao lobo, a unha loba neste caso, pois os seus estudos de opinión testemuñan o ascenso imparable da candidata do BNG. De aí que se vexa na obriga de rachar con esa imaxe de partido garante da orde e a estabilidade para enzoufar a campaña cunha enxurrada de falsidades, de titulares agresivos contra Ana Pontón e de descualificacións da súa figura.
Mais sabedes unha cousa, non se lle poden poñer portas ao campo! Ana estará en Burela o día 13 e eu tamén estarei alí para gozar o privilexio de darlle unha aperta á que será a primeira muller en presidir a Xunta de Galiza.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
