As catro deputadas electas do BNG pola provincia de Lugo participaron nun almorzo informativo en Ribadeo con medios de comunicación, onde fixeron unha valoración dos resultados
Lugo, 27 de febreiro de 2024. As catro deputadas electas do BNG pola provincia de Lugo, Olalla Rodil, Daniel Castro, Montserrat Valcárcel e Iago Suárez, participaron hoxe nun almorzo informativo cos medios de comunicación onde fixeron unha valoración dos resultados conseguidos polo BNG nas eleccións do 18 de febreiro, onde o BNG alcanzou un resultado histórico tanto a nivel galego como en Lugo. En toda Galiza, alcanzáronse preto de medio millón de votos, 155.000 máis que en 2020, colocando ao BNG cun grupo parlamentario de 25 integrantes, que ocupa un terzo do hemiciclo, mentres que tanto na provincia de Lugo como na cidade se conseguiu unha mellora notable. Na comarca da Mariña, o BNG aumentou máis de 2.000 votos con respecto ás últimas eleccións, e converteuse na forza que máis crece en toda a provincia de Lugo.
Daniel Castro afirmou que “desde o BNG traballaremos nunha opocición firme e constructiva, facendo propostas en positivo para mellorar a vida das galegas e galegos”, e engadiu “ofreceremos un modelo mellor para as galegas e galegos ao modelo que está a executar o PP desde os últimos 15 anos”. O deputado do BNG afirmou que para a Mariña, as liñas de traballo basearanse en reclamar ao goberno “máis industria, máis sanidade pública e máis infraestruturas”, poñendo fin ao abandono da comarca.
O BNG defenderá o mantemento dos postos de traballo en Alcoa a través dunha intervención pública da factoría, “trátase dunha industria vital para a Mariña e levamos 4 anos vendo como a multinacional segue sen garantir o futuro da planta”, afirmou Daniel Castro, que engadiu “traballaremos nun plan industrial específico para a comarca, evitando que A Mariña dependa só do turismo e dunha única factoría”.
Para a mellora das infraestruturas, o BNG reclamará á Xunta completar a VAP Costa Norte, que continúa sen estar rematada máis de 20 anos despois do inicio do proxecto, e reclamará ao Estado “as infraestruturas pendentes como o Dique Norte de Alcoa ou a A-74”.
No eido da Sanidade, o BNG reclamará a recuperación da área sanitaria da Mariña, e garantir o persoal suficiente en Atención Primaria “para garantir unha atención primaria útil para as veciñas e veciños”.
Segundo Daniel Castro, “despois destas eleccións queda claro que Galiza cambiou e que a alternativa ao PP é o Bloque Nacionalista Galego”. “A partir de agora nada será igual, hai unha cidadanía ilusionada, que ambiciona unha Galiza mellor, con mellores servizos públicos con máis oportunidades e máis dereitos, e imos construíla colectivamente ao longo destes catro anos”, afirmou Daniel Castro.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
