O evento é o único dedicado ao peixe e o marisco de Alemaña e alberga 320 expositores de 27 países diferentes coa asistencia de 10.000 visitantes de máis de medio centenar de nacionalidades
Santiago de Compostela, 26 de febreiro de 2024. A Xunta de Galicia continúa apostando pola conquista de novos mercados para os produtos do mar galegos apoiando a presenza de empresas do sector na feira Fish International Bremen en Alemaña. Así o manifestou o director xeral de Pesca, Acuicultura e Innovación Tecnolóxica, Antonio Basanta, que se desprazou ao país xermano onde destacou tamén a representación galega na feira internacional Gulfood de Dubai celebrada recentemente como exemplos dos esforzos do Goberno galego por continuar impulsando a internacionalización da comercialización dos produtos pesqueiros de Galicia.
Nesta liña, puxo en valor as cifras récord de exportación do sector que alcanzaron os 2.700 millóns de euros no 2022 e que a tendencia indica que foron superadas o ano pasado, situando unha vez máis á cadea mar-industria da comunidade como un referente internacional. Para afondar nese crecemento a Administración autonómica reforzou nos Orzamentos do 2024 os fondos destinados á dinamización dos mercados, dos produtos de calidade diferenciada e do consumo dos alimentos do mar, un aumento superior ao 30 % ata case os 42 millóns de euros.
Este evento, que comezou o pasado 25 de febreiro, conta con 10.300 m2 nos que hai instalados 320 expositores de 27 países e que estimase que sexan visitados por máis de 10.000 profesionais de máis de medio centenar de nacionalidades. Unha cita que constitúe unha plataforma excepcional para o comercio dos produtos pesqueiros xa que permite coñecer as últimas novidades e innovacións do mercado alemán. Galicia contará cun espazo propio no recinto no que estarán presentes as seguintes empresas galegas: Copesma Conxelados, Cassua, Pereira Produtos do Mar, Conxelados Noriberíca, Stolt Sea Farm, Global Runner e Ailla Pasteurizados.
Máis feiras
O vindeiro mes de marzo a Xunta continuará impulsando a presenza de empresas galegas en feiras internacionais de primeiro nivel como Foodex de Xapón, a Seafood Expo North America Boston e a Alimentaria de Barcelona para seguir ampliando a presenza dos produtos pesqueiros de Galicia nos mercados internacionais.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
