A candidata número tres da candidatura socialista pola provincia de Lugo ás eleccións autonómicas reuniuse hoxe en Burela con representantes do Porto para escoitar as súas necesidades e reivindicacións
A Mariña, 1 de febreiro de 2024. A número tres da candidatura socialista pola provincia de Lugo ás eleccións autonómicas, Mayra García Bermúdez, reivindicou este xoves na Mariña “o liderado de José Ramón Gómez Besteiro para desbloquear o problema industrial e económico que lastra a comarca por culpa do PP e para proxectar a A Mariña como a potencia pesqueira que é”.
A socialista mantivo un encontro con representantes de Armadores de Burela (Absa), a Organización de Produtores Pesqueiros de Burela (OPP) e a Confraría de Pescadores, onde se interesou pola súa situación e escoitou as principais demandas e preocupacións. “A pesca é un sector moi importante para a comarca, pero tamén para o conxunto da provincia. Con Besteiro á fronte da Xunta, A Mariña collerá a forza que necesita como motor económico que é, logo de anos de esquecemento e falta de apoio dos gobernos de Rueda e Feijóo. Na Mariña merecemos máis”, asegurou García Bermúdez.
“O sector da pesca é estratéxico pola súa contribución ao mantemento da actividade económica e do emprego en localidades costeiras, como é o caso desta comarca, que dependente directamente de toda a actividade que xeran os portos de Burela e de Celeiro”, subliñou.
“Unha das grandes preocupacións do mundo da pesca ten que ver coa falta de relevo xeracional, con dificultades en atopar xente nova que queira desenvolver este tipo de traballos”, sinalou, ao tempo que avanzou que José Ramón Gómez Besteiro demandará incluír determinadas profesións do sector pesqueiro no Catálogo de Ocupacións de Difícil Cobertura, que elabora o Ministerio de Traballo para cada provincia.
“Na Mariña necesitamos o liderado, o impulso, o proxecto de futuro e a capacidade de xestión de Besteiro”, afirmou García Bermúdez. Avanzou que José Ramón Gómez Besteiro xa presentou un plan de acción para potenciar o consumo do peixe galego, que sufriu unha caída de consumo dun 32% na última década, ao tempo que tamén se comprometeu a establecer medidas como a introdución de peixe tres veces á semana nos comedores escolares, hospitais e centros de maiores que dependen da Xunta; impulsaremos o consumo e as accións educativas, priorizando aos mozos e mozas na promoción do consumo de peixe”.
A socialista tamén evidenciou que a Xunta deixou sen executar o 51% do fondo europeo para a Pesca (FEMP), “perdendo unha importante oportunidade para a modernización do sector pesqueiro. Un exemplo claro da mala xestión do PP na Xunta nos últimos dez anos”. Nese sentido, lembrou que o candidato socialista á presidencia da Xunta, Gómez Besteiro, xa anunciou hai semanas que proporá a creación dun organismo similar ao FROM, que eliminou Rajoy no 2012, para promocionar o consumo de peixe e aumentar o seu valor.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
