Os populares piden dar solución aos problemas dos veciños e, especialmente, aos das parroquias
Foz, 15 de febreiro de 2024. O portavoz do PP de Foz, Javier Castiñeira, condena a “absoluta e palpable inoperancia nos últimos días e, máis concretamente, dende o inicio deste mandato” por parte do equipo de goberno, “o máis caro, o máis amplo; pero o menos eficaz e menos efectivo”. Así o manifesta ante “o caos nos servizos e, especialmente, os problemas nas parroquias”; xa que “Cangas está sen alumeado público e Cordido sen auga”. É por iso polo que os populares piden “dar solucións aos veciños e, especialmente, aos do rural”.
“Se hai algo característico na xestión do señor Cajoto é que está despreocupado das parroquias. Os veciños de Cangas levan varios meses pedindo que solucione os problemas co alumeado público. E nos últimos días podemos ver que non hai servizo de abastecemento de auga en Cordido”.
Castiñeira subliña que “esta é parroquia desdeixada polo equipo de goberno. Os veciños levan cinco anos agardando a que o Concello realice as obras de soterramento da captación. Agora din que as inclúen dentro do proxecto de contratación do abastecemento de Foz; pero debérase ter feito para evitar estes problemas”.
“Co tema do abastecemento estamos a ver que o equipo de goberno o único que propón é subir as tarifas, pero non resolve os graves problemas que xa tivemos no núcleo urbano en Foz durante case 50 días nos que a xente tivo que comprar auga embotellada e só recibiu 60 céntimos por cada recibo”, lamenta.
Castiñeira explica que “dende o PP de Foz pedimos ao equipo de goberno que dea solucións aos veciños, especialmente do rural”. Así, convídaos que a que vexan que “as propostas que está facendo o PP nos plenos son para mellorar. Todo o que reclama o PP son feitos que tiñamos denunciado previamente, como pasou co Entroido”.
Así, defende que “quen está cumprir coa súa función é o PP dende a oposición”. Polo tanto, entende que “non se nos pode tildar de facer política cando o que estamos a facer é apoiando aos veciños e facéndoo de forma propositiva”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
