O líder do PPdeG propón estender as bonificacións do Imposto de Sucesións tamén aos descendentes colaterais: “Nestes anos 836.000 contribuíntes galegos aforráronse ter que pagar por recibir unha herdanza e, se goberna a esquerda, volverán ter que facelo”
Burela, 6 de febreiro de 2024. O presidente e candidato do PPdeG, Alfonso Rueda, asegurou hoxe que estes días de campaña teñen que consistir en “falar coa xente” e “en ser conscientes do moito que está en xogo” o próximo 18 de febreiro porque “catro anos para lamentarse poden facerse un tempo demasiado longo”. Por iso fixo un chamamento a “non dar nada por feito nin relaxarse” e a traballar para que Galicia siga indo polo bo camiño.
O líder dos populares galegos quere que a normalidade, o sentidiño e a estabilidade e o bo goberno continúen sendo as características de Galicia. De aí que aspire a obter unha maioría suficiente que lle permita poder trasladar a mensaxe de que “todo ese barullo continuo, ese desgoberno, esas perdas de tempo e o priorizar a chantaxe antes que o interese xeral” que se están vendo a nivel nacional cheguen a Galicia.
“Négome a aceptar todo isto que se acepta como normal e négome a que todo isto poida ocorrer en Galicia. Por iso necesito a maioría suficiente para evitalo”, concluíu apelando a seguir pola senda da baixada de impostos, a gratuidade educativa, o coidado dos dependentes e a ampliación do parque público de vivenda.
Esta é, para Rueda, a única alternativa. Xa que do outro lado só hai un multipartito de formacións que só teñen en común “presumir de falar mal de Galicia”, tal e como se constatou onte no debate electoral organizado pola CRTVG.
Un debate no que se constatou que a oposición “aínda non é consciente do dano que lle fixo á xente do mar” e non se atreve a afirmar abertamente se están ou non a favor do pago do Imposto de Sucesións que en Galicia leva anos sen pagarse. Porque aí está unha das grandes diferenzas entre os dous modelos: “Mentres eles recuperan impostos e os suben, nós os eliminamos ou os baixamos”.
Reafirmou así a súa proposta de ampliar as bonificacións ao Imposto de Sucesións máis alá dos descendentes directos, ata os descendentes colaterais: irmáns, tíos, sobriños, cuñados, xenros e sogros. “Nestes anos 836.000 contribuíntes galegos aforráronse ter que pagar por recibir unha herdanza e, se goberna a esquerda, volverán ter que facelo”, engadiu.
Rueda considera que Galicia tampouco merece “estar gobernada por un independentismo que quere ordenar á xente como ten que falar, repartir carnés de bos e malos galegos, derrogar o Tribunal Constitucional ou impoñer unha educación pública totalmente en galego”. Matizando neste sentido que iso podería ser posible coa equidistancia dun PSOE que “xa non aspira a ter un bo resultado, senón a que simplemente non goberne o PPdeG”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
