O conselleiro do Mar en funcións participou no Consello Consultivo de Política Pesqueira para Asuntos Comunitarios
Santiago de Compostela, 20 de marzo de 2024. O conselleiro do Mar en funcións, Alfonso Villares reclamou a revisión inmediata das cotas pesqueiras en augas comunitarias establecidas para 2024 no transcurso da súa participación esta tarde no Consello Consultivo de Política Pesqueira para Asuntos Comunitarios preparatorio da reunión dos ministros de Agricultura e Pesca da UE do día 26. Nesta próxima cita europea España solicitou a inclusión na axenda das consideracións en relación co pilar socioeconómico na xestión pesqueira, un punto que se demandou despois da sentenza do Tribunal de Xustiza da Unión Europea (TXUE) que, a comezos do ano e con motivo dunha cuestión prexudicial formulada polo Tribunal Superior de Irlanda tras a denuncia dun colectivo ecoloxista, avalou que se podan fixar posibilidades de pesca superiores ás que recomendan os científicos para non ameazar a actividade da frota.
Alfonso Villares aproveitou para volver a vista atrás, ao tradicional Consello ministerial que fixou en Bruxelas as posibilidades de capturas para este ano -e nalgunhas especies de carácter plurianual- sinalando que nesta cita se acabou poñendo límites no posible reparto de capturas en previsión dunha sentenza negativa que non só non se produciu, senón que se puxo de parte das necesidades sociais das persoas que viven do mar. Por tanto, ante a doutrina fixada agora pola Xustiza comunitaria desde Galicia o que se reclama é unha revisión á alza do conxunto das cotas de 2024 e que se faga desde xa, elevándoa na próxima reunión dos ministros europeos.
O titular de Mar sinalou que a decisión da Xustiza europea vai na liña da histórica demanda realizada sempre desde Galicia para que se equilibren os tres piares da Política Pesqueira Común (PPC), o ambiental o social e o económico, co fin de garantir a sustentabilidade da actividade extractiva e o futuro das economías costeiras.
Tamén defendeu ante os seus homólogos autonómicos que a decisión do TXUE certifica que as frotas comunitarias están compostas por traballadores e empresas que se verían afectados polas reducións e posibles peches de pesqueiras que non teñan en conta informes que deben ser preceptivos sobre os impactos socioeconómicos que poden ter as limitacións de cotas.
No caso que se xulgaba elevado polo Supremo irlandés o Consello Internacional para a Exploración do Mar ditaminara cotas cero para o bacallau, o merlán ou a solla, unhas restricións que a UE non executou, entende o Tribunal, actuando de maneira correcta co fin de poder conxugar ese aspecto económico e social evitando un peche que lastraría a viabilidade de frotas como a galega.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
