Ribadeo, 12 de marzo de 2024. Apaga organiza cursos de preparación para as oposicións de profesores da familia profesional de transportes e mantemento de vehículos. A inscrición está aberta.
O presidente de Apaga, Álvaro Doural, explicou que “deseñamos un plan de formación de apoio aos socios de Apaga ou para outras persoas que neste momento non son socias, pero que no futuro poden sumarse á familia de Apaga. Creouse un paquete formativo para axudarlle a aquela xente que está a preparar oposicións da rama de transporte e mantemento de vehículos. Sacamos unha serie de cursos, que teñen unha parte a distancia e outra parte práctica. Esta última farase en Ribadeo en fins de semana, sábado e domingo, en horario de 10:00 a 20:00 horas. Son formacións de curta duración ás que se pode acoller outra persoa que neste momento non sexa socia de Apaga”.
Mobilidades
Doural contou que “seguimos a traballar nas mobilidades Erasmus con alumnado que agora mesmo está en Italia, outros que van saír para Portugal, Finlandia, Croacia… ata finais de agosto teremos mobilidades seguidas. Continuamos a traballar no proxecto de hidróxeno, que empezou hai uns meses e tamén imos facer unhas xornadas en xullo de internacionalización. Traeremos a Ribadeo a socios nosos doutros países e tamén a centros educativos que están con nosoutros no consorcio para poñer a punto determinadas cousas”.
Recoñecemento a José Barro
Apaga está a colaborar na edición dun libro sobre a figura do empresario viveirense José Barro: “colaboramos na edición dun libro que se vai sacar, posiblemente a finais do verán, sobre José Barro, o industrial de Viveiro. É de Manuel Lage, enxeñeiro que pertenceu á empresa Pegaso. Estamos axudándolle con todo o material que nos tiñamos recompilado. Polas noticias que temos esa publicación vai ser feita pola Deputación, á que lle agradecemos que saiba estar no sitio e no momento axeitado”.
O presidente de Apaga subliñou: “quero recalcar que este industrial de Viveiro, que fixo tanto por esa cidade en tempos difíciles e complicados, teña un recoñecemento oficial. Agardo que o Concello de Viveiro se anime a dedicarlle unha praza ou unha calle algún día, non se sabe cando, pero polo menos que algúns dos seus familiares que xa están nunha idade avanzada poidan velo. Hai uns meses que faleceu Marisol Barro, unha das súas sobriñas, e gustaríame que o resto da familia puidese velo e que os políticos de vez en cando estean por enriba de certas cousas e saiban recoñecer o traballo dos emprendedores. Ao mellor hai que dar menos charlas e historias que se montan por aí de emprendedores e coller as hemerotecas e a historia do traballo que fixeron José Barro en Viveiro, Ángel Hermida en Lourenzá, Eladio Lorenzo en Mondoñedo, xente que foron uns grandes emprendedores. E sería bo que esa información a tivera a xente que agora está a estudar, para que coñezan como fixeron para poñer en marcha as súas empresas… é un tema pendente na Mariña, que como dixo ben o señor Bispo de Mondoñedo hai uns días, necesitamos empresas. Ata a igrexa se está a envorcar e a dicir cousas moi interesantes”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
