O proxecto de 2021 era, verdadeiramente, um proxecto único e innovador a nível mundial porque propuña unha dupla fabricación de fibras vexetais: unha fábrica de fibras renovábeis (A) empregando fibra curta de eucalipto galego e outra fábrica de fibras (B) recicladas dende roupas usadas ou fóra de stock. Unha fabricación plenamente inserida na economía circular que engadía valor á nosa materia prima. Velaí o grande interese que tiña Inditex no proxecto, tendo en conta que poderia fabricar prendas dende fontes ben dispoñíbeis: esa fibra curta de eucalipto galego (fibras A) e a roupa usada que podia achegar a multinacional galega vía loxística inversa (fibras B).
Por outra banda, as estimacións, daquela, eran de 1.500 empregos directos. Deste xeito o proxecto xerou a atención e aceptación xerais e mesmo o alcalde de Ribadeo na altura, Fernando Suárez Barcia (BNG) ofrecía ubicación no seu Concello, nun contexto de busca de solucións á crise industrial aberta na Mariña polo parón produtivo de Alcoa.
Agora o proxecto real de Altri rebaixa de 1500 a 500 os empregos directos e xa non é innovador, nin de economia circular nin sostíbel. Inditex xa non estea interesado, porque o plan é construir unha celulosa do século XX para fabricar pasta de papel (pulp) orientada á exportación e para fabricar unha celulosa de disolución (dissolving pulp) para facer tecidos. É dicir, será unha industria de encrave que non achegará integración na cadea produtiva nin, xa que logo, valor á economia galega. Será a celulosa de sempre que non queren en Portugal .
O impacto hídrico e ecolóxico, en xeral, é totalmente desaquelado. A indústria precisará de 46 millóns de litros de auga ao día, máis ca as necesidades domésticas de todos os habitantes da província de Lugo. Esta captación de auga, logo de tratada na planta, sería devolta nunha cantidade media de 30 millóns ao día a xeito de verteduras. A captación de auga dos acuíferos da conca de Ulla e do encoro de Portodemouros dificultará o normal desenvolvemento das máis de 4.000 explotacións gandeiras da Terrra de Melide, a Ulloa, Arzúa e O Deza e das súas 20 industrias lácteas e, tamén, doutras explotacións agroindustriais e mesmo doutras manufacturas, que empregan varios centos de persoas. O impacto hídrico. ambiental e paisaxístico danaría tamén as vizosas actividades de turismo rural e hostaleiras destas bisbarras, onde o Camiño francês é unha historia de éxito, ademais de incumprir eventualmente as regras de protección deste Camiño como ben patrimonial. O impacto, tamén, sería letal para a xa castigada produtividade das actividades miticultoras e marisqueiras da ría de Arousa, ademais de que as súas necesidades hídricas prexudicaría gravemente o desenvolvemento do conxunto da indústria conserveira existente, barbanzá e arousá.
Velaí a oposición do BNG nacional, dos gobernos locais de Melide (Adiante Melide-BNG) e Arzúa (BNG-AlternativaxArzúa-PSdeG) e as dúbidas e reparos do líder nacional do PSdeG Gómez Besteiro e da voceira socialista na Deputación luguesa.
Semella que o proxecto non acadou avaliación positiva para obter os innovation funds da UE e fontes que coñecen ben o mecanismo dos PERTE next generation dubidan da posibilidade de que un proxecto tan lesivo ambientalmente e tan nulo en termos de innovación tecnolóxica poida acceder a esta caste de financiamento, mentres os especialistas en comunicación non entenden a estratexia de achegamento á veciñanza desenvolvida por Altri que semella pensada para sementar ainda máis rexeitamento .
En calquera caso Galicia é unha sociedade europea e desenvolvida e as bisbarras do seu centro xeográfico, da conca do Ulla e das duas beiras da ría de Arousa posúen unha estrutura económica diversificada que coñece o perigo desta caste de industrias de encrave que non achegan cadea de valor e desertizan a contorna. O proxecto de Altri habería ficar na nómina das iniciativas vetadas pola mobilización da cidadania galega, como a celulosa de Ponteceso, a nuclear de Xove ou a mina de Corcoesto. Será, en calquera caso, unha historia que durará meses, cando non anos e pode amosar o grao de divorcio do Goberno galego cos sectores produtivos das bisbarras afectadas.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
