Grazas é a palabra que mellor reflicte o sentimento de todo o PP de Burela trala cita electoral do pasado domingo 18 de febreiro. É por iso polo que non podía deixar pasar a oportunidade de trasladarvos o noso agradecemento por ter confiado maioritariamente no Partido Popular nas eleccións autonómicas. O voso apoio permitirá que Galicia conte cun goberno estable presidido por Alfonso Rueda, un goberno que xestiona con sentidiño, atendendo aos intereses dos galegos e, sobre todo, comprometido con Burela.
O PP foi a forza máis votada no noso municipio ao alcanzar 2.153 apoios que se traducen nun 48,93% dos votantes. O Partido Popular protagoniza, ademais, o maior aumento con respecto ás autonómicas do 2020 (sube un 4,44%). E tamén resulta significativo que foran máis os bureleses e burelesas que elixiran a papeleta do PP que as do PSOE e BNG (os partidos que están a gobernar no noso Concello) xuntos.
Con estes resultados, o Partido Popular de Burela consolídase como a única formación política en Burela que mellorou sistematicamente os seus resultados no último ciclo electoral (dende as municipais do 2019). De feito, nas municipais e xerais do pasado 2023, o apoio ao PP incrementouse arredor de 13 puntos (un 12,96% nas municipais con respecto ás do 2019 e 13,83% nas xerais con respecto ás anteriores).
Pero isto non sería posible sen a confianza dos veciños. Sen o apoio constante de afiliados e simpatizantes. Sen o esforzo de interventores e apoderados nas distintas citas electorais. E sen o traballo diario que desenvolven os concelleiros do Grupo Municipal Popular co obxectivo de ser útiles para Burela e os bureleses.
Os últimos resultados electorais non fan máis que animarnos a traballar para devolver toda a confianza que os veciños e veciñas depositades en nós.
Manuel Rouco, presidente do PP de Burela e voceiro do Grupo Municipal Popular
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
