A subdelegada do Goberno en Lugo realizou a lectura do manifesto polo 8 de marzo acompañada polas traballadoras e traballadores da administración
Lugo, 8 de marzo de 2024. A subdelegada do Goberno en Lugo, Isabel Rodríguez, Isabel Rodríguez, realizou a lectura do manifesto con motivo do día do 8M, Día Internacional da Muller, acompañada por representantes das Forzas e Corpos de Seguridade e traballadoras e traballadores da administración.
A subdelegada recordou o informe elaborado polo Goberno no que se recolle que un total de 255 normas aprobadas entre xaneiro do 2020 e febreiro do 2023 tiveron un impacto positivo na redución da desigualdade entre homes e mulleres. “Esa segue sendo a liña de actuación para alcanzar a igualdade plena con políticas públicas que se vexan reflectidas no día a día das mulleres”. Malia isto, a subdelegada atestou que “aínda queda moito por facer, por exemplo, seguimos a ver como en Galicia a muller está a gañar un 19% menos que o home, un dos datos que nos indican que temos que seguir traballando por eliminar esa fenda.”
“Dende o Goberno estamos a ter un enfoque integral para solventar estas diferenzas a través do emprego, a conciliación, a representación paritaria, así como outras medidas que evidencian unha verdadeira aposta pola igualdade, posto que a única forma de progresar e materializar sociedades democráticas é investir nas mulleres”, afirmou Isabel Rodríguez en alusión ao lema elixido este ano polas Nacións Unidas.
A subdelegada do Goberno en Lugo salientou todos os pasos que se están a dar nos últimos anos a nivel nacional, como a reunión do Foro Social contra a trata con fins de explotación sexual ou a renovación do Pacto de Estado contra a Violencia de Xénero, apostando polo reforzo de medios e recursos e a incorporación dun cribado universal na atención primaria para a detección precoz da violencia contra as mulleres. Tamén mencionou o impulso lexislativo para a protección dos menores ante a pornografía ou a aprobación do proxecto de Lei orgánica de representación paritaria e presenza equilibrada de mulleres e homes, entre outras liñas.
Semana do 8M
Durante toda esta semana, a Subdelegación de Lugo uniuse á Delegación do Goberno e ás demais Subdelegacións na realización de actos polo 8 de marzo, Día Internacional da Muller. Así, durante estes días tivo lugar a colocación da pancarta na fachada da Subdelegación, unha formación sobre o marco xurídico aplicable ás mulleres estranxeiras vítimas de violencia de xénero, a presentación dos Puntos Violetas nas oficinas do SEPE da provincia, charlas do Plan Director e a lectura do manifesto.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
