Ribadeo, 17 de abril, 2024. Trala celebración do pleno deste martes, o BNG entende que “por moito que o grupo municipal do BNG solicite información sobre os gastos do concello, o goberno municipal do PP négase a dar datos e informar con transparencia sobre as facturas que, cada día máis, van chegando ao Concello de Ribadeo. Por moito que se lle pregunte por cousas concretas, por facturas moi específicas, o alcalde sempre ha saír pola tanxente falando de calquera cousa menos do que se lle pregunta”.
“Mesmo, nesa fachenda presidencial, chega a responder cun “xa veremos” cando é requerido abertamente pola información das facturas. Así o fixo no salón de plenos este martes 16 de abril ante o grupo municipal do BNG. Pero por moito que queira disimular, as contas están aí. E todo se ha acabar sabendo”.
“Por exemplo: no tema dos gastos de alumeado temos detectado facturas continuadas, coa mesma empresa, por valor duns 70.000€. Salta á luz, nunca mellor dito, que isto deberíase ter licitado; semella como se houbese un fraccionamento de facturas encuberto (algo que a lei prohibe expresamente). E estes gastos van ser pagados con cargo a remanentes (os aforros do ano pasado) cando non hai nin catro meses que están aprobados os orzamentos deste ano 2024. Catro meses deste ano 2024, e xa hai que tirar dos aforros. Velaquí unha clara mostra do que pode estar a pasar xa, catro meses despois de entrar en vigor, cos orzamentos do 2024: que poida que haxa partidas que xa estean seriamente afectadas polo excesivo gasto deste goberno municipal do PP”.
“Seguindo co tema do alumeado do Nadal, e falando dos orzamentos do 2024, á parte dos 24.000€ que están contemplados en ditos orzamentos para o alumeado das festas de fin de ano, neste pleno do martes 16 de abril tamén se aprobou un suplemento de crédito con cargo aos remanentes (os nosos aforros) de 60.500€ para engadir aos 24.000€ inicialmente aprobados. É esta a planificación do goberno municipal? Apenas pasaron catro meses da aprobación dos orzamentos e xa andan a aumentar os gastos con cargo a remanentes no canto de dedicalos a investimentos máis produtivos? Están obsesionados con gastar e gastar”.
“A ver se non se nos cega o siso con tanta luz. No Nadal de 2023 había asignados 23.000€ para alumeado. Pero acabaron aumentándolle 36.000€. Foi o gasto a maiores que se fixo. Tamén neste pleno se aprobou o pago desas facturas a maiores con cargo aos remanentes (os nosos aforros) para acabar de pagar o alumeado do nadal de 2023. Botando man da calculadora, 59.000€ en alumeado no 2023 (23.000 + 36.000). E para o ano 2024, segundo explicamos liñas atrás, 24.000€ aprobados inicialmente, máis 60.500€ a maiores: isto fai un total 84.500€ para o 2024. Xulguen vostedes: este goberno vai gastar en dous anos en alumeado público para Nadal 143.500€, moito máis que o anterior en todo o mandato”.
“Pero o capítulo estrela deste dilapidar sen xeito nin traza o diñeiro de todos e todas nós é o gasto en publicidade. Ademais dos 42.000€ aprobados inicialmente, a maiores gastáronse no 2023 53.000€, que por suposto van ser pagados agora, así se aprobou tamén neste pleno do martes 16, con cargo aos remanentes (de novo, os nosos aforros). Outro capítulo máis no que acabaron máis que duplicando o gasto. E iso que só levan dez meses no goberno!”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
