Foz, 23 de abril de 2024. O Concello de Foz investiu máis de 57.900 euros na mellora de camiños nas parroquias de Cordido e Cangas, obras executadas con cargo a fondos da Deputación de Lugo pertencentes ao Plan Único 2023.
En Cordido, por un importe de máis de 18.500 euros, renovouse o asfalto do vial que une o Barral coa Fabega, cun dobre tratamento superficial, e aglomerouse o camiño que conecta a Fonte do Sixto coa estrada provincial LU-P-6303.
O alcalde, Fran Cajoto, explica: “renovamos o firme de dous camiños que se atopaban en mal estado e que dan servizo a varias vivendas. Ademais a fonte do Sixto é frecuentada por moitos veciños que se achegan todos os días para coller auga”.
Dentro do plan de mellora de camiños do Concello de Foz para o ano 2024 está proxectado o aglomerado en quente e sinalización do vial que une Ferradás coas Moas, cun orzamento de 14.700 euros a cargo do Plan de Cooperación dos Concellos da Deputación de Lugo.
En Cangas por un importe de 39.400 euros renovouse con aglomerado en quente o firme no camiño de Liñares e tamén en varios viais en Ribela. “A fonte de Ribela é un elemento patrimonial a protexer no que xa actuamos na anterior lexislatura, pero o seu acceso estaba en mal estado. A mellora dos viais non só incluíu a mellora do firme senón tamén da sinalización vertical e horizontal, co obxecto de facer os camiños máis cómodos e seguros. Queda pendente o recrecido dalgunhas tapas de arquetas, que se está a realizar estes días”, indica o alcalde.
O Concello de Foz ten proxectado, cun orzamento de 22.100 euros con cargo a fondos do Agader 2024-2025, a mellora do firme e sinalización de 430 metros de camiño en Vilamor, no vial que une a estrada a Ferreira con Laxoi.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
