O Concello sinala o incumprimento de normas técnicas e urbanísticas, ademais da afectación a actividades existentes na zona como a gandeira ou ao propio Camiño de Santiago
Barreiros, 17 de abril de 2024. O Concello de Barreiros vén de presentar as alegacións municipais ao parque eólico Barreiros I, no que se incumpren criterios técnicos e urbanísticos.
As alegacións municipais baseánse nestes incumprimentos manifestados no informe técnico municipal, pero tamén en cuestións de calado xeral como o fraccionamento continuo de proxectos que impiden unha avaliación do impacto ambiental real e adecuada as dimensións dos proxectos no seu conxunto.
A alcaldesa de Barreiros, Ana Ermida, solicita a paralización da tramitación do parque eólico a espera dunha coordinación da planificación existente; xa que, asegura “a voracidade de empresas promotoras de proxectos eólicos supera a capacidade técnica e administrativa municipal e vémonos envoltos nun procedemento no que somos unha mínima parte con moi escasa capacidade de decisión”.
Advirten, igualmente, da necesidade de coordinación entre as Administracións e dunha planificación que reverta nos propios municipios, lonxe de proxectos puramente mercantís como os que se están a tramitar ante as administracións autonómica e estatal.
Neste caso, ademais, a colocación dos muíños tal e como se contempla no proxecto exposto incumpre mesmo as distancias a núcleos de poboación e contempla actuacións, como a apertura de viarios en zona de concentración parcelaria que “implicaría a división da propiedade inicialmente concentrada para dar sostén a actividade agraria e en base á cal se teñen dimensionado as explotacións”, afectando de xeito evidente a unha actividade agraria sostén da zona na que se insiren.
Outra das cuestións recollidas nas alegacións é a afectación ao Camiño de Santiago, que discorre polos núcleos afectados e que se verá claramente afectado polos impactos derivados da posible ubicación dos eólicos.
O Concello de Barreiros xa ten presentadas tamén alegacións ao parque eólico Barreiros III, no que se contempla a colocación de dous aeroxeradores na ladeira do Monte Comado.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
