Os deputados populares defenderán unha moción para instar ao equipo de goberno provincial a que estude as posibilidades legais e convencionais de aprobar un convenio propio do sector da limpeza da Deputación Provincial de Lugo e así “garantir a protección dos dereitos dos traballadores”
Luns 29 de abril de 2024. Os deputados do Grupo Provincial Popular defenderán no pleno de mañá dúas iniciativas para defender os dereitos laborais dos profesionais do sector da limpeza que traballan para a Deputación de Lugo e para favorecer o asentamento de empresas na provincia e así xerar emprego e facer que a economía medre.
O sector da limpeza realiza un labor fundamental para garantir a seguridade e hixiene dos espazos públicos. Durante a crise sanitaria da covid-19 estes profesionais demostraron, unha vez máis a súa responsabilidade, poñéndose en primeira fila de batalla e xogando u papel fundamental: protexernos e garantir a nosa seguridade día tras día.
Pero a realidade é que se trata dun sector moi precarizado no que o 95% das súas traballadoras son mulleres, un 80% cunha xornada a tempo parcial e cuns salarios ínfimos.
Un sector que se viu obrigado a poñerse en folga indefinida o pasado 16 de outubro de 2023 ante a negativa de poder negociar un convenio colectivo que levaba vencido dende finais do ano 2021, co único obxectivo de mellorar os seus salarios e acadar unhas condicións laborais dignas.
Por este motivo, dende o Grupo Provincial Popular defenderán unha moción para instar ao equipo de goberno provincial a que estude as posibilidades legais e convencionais de aprobar un convenio propio do sector da limpeza da Deputación Provincial de Lugo.
Unha medida que se aprobou recentemente no Concello de Lugo, por unanimidade, a iniciativa do Grupo Municipal Popular. “Entendemos que se no Concello de Lugo as mesmas formacións políticas entenderon a importancia desta moción, na Deputación de Lugo tamén sexa así”, indicou.
PLAN DE IMPULSO INDUSTRIAL
O impulso de iniciativas empresariais e a creación de emprego son clave para o asentamento da poboación na provincia e para isto é necesario dispoñer de solo industrial no que asentar empresas ou permitir o traslado ou ampliación das súas instalacións das empresas xa existentes que o precisen, unha tarefa na que o goberno provincial “pode facer moito máis do que está a facer”.
Antonio Ameijide entende que dende o goberno provincial cómpre levar a cabo un plan de impulso dos polígonos industriais da súa titularidade na provincia con campañas de captación de investimentos a través da busca activa de empresas e emprendedores para o seu asentamento nestas áreas, o estudo de posibles bonificacións do prezo das parcelas ou outros incentivos para a venda.
ROGOS E PREGUNTAS
Os populares preguntarán a PSOE e BNG por que limitaron o aforo dos plenos provinciais en contra dos informes técnicos para agocharse dos lucenses. “A realidade é que dende hai dous meses o presidente da Deputación limitou á metade o aforo do salón de plenos pese a terse celebrado actos con centos de persoas nesa mesma instalación, como a súa toma de posesión”, sinalaron.
Tamén se preguntará que vai a facer o goberno provincial co edificio que a Deputación ten en Navia de Suarna e que supón un perigo e afea a imaxe do centro da vila xa que o aspecto exterior do edificio “é de total abandono, podendo caer en calquera momento cascotes ou o propio edificio” poñendo en risco a seguridade dos veciños do municipio, xa que se atopa na Praza de España, unha zona moi frecuentada.
Dende o Grupo Provincial Popular tamén defenderán dous rogos. Un para instar á Deputación a realizar un correcto mantemento de varias estradas provinciais en Sarria e outro para mellorar a imaxe da Ruta da Fervenza, un paseo fluvial moi empregado polos lucenses para pasear e facer deporte que se atopa en moi mal estado, con varias árbores caídas no camiño que impiden o paso.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
