Ribadeo, 23 de maio, 2024. Os días 24 e 25 celebrase en Ribadeo, no Centro de Formación Pedro Murias, a novena Reunión de Primavera da SGPF que tratará sobre o Pasado, Presente e Futuro do Asesoramento, facendo unha homenaxe a Extensión Agraria.
Isabel Gómez, a súa presidenta, destaca que “desde a Sociedade pensamos que o asesoramento ao sector agrogandeiro ten unha especial relevancia tanto desde as Administracións, como servizo público, como desde o ámbito privado” .
Desde a SGPF sinalan que “o asesoramento e información nos momentos actuais, que son de tanta complexidade na viabilidade e sostibilidade nas granxas, cos cambios normativos que estamos a vivir, xunto coa inxente burocratificación dos trámites administrativos, fai que os temas que se van abordar sexan vitais na toma de decisións dos nosos gandeiros e agricultores”.
Estas xornadas comezarán o día 24 de maio, coa presenza de autoridades, entre elas o Deputado Provincial da Área de Medio Rural, que financia esta actividade, a Xefa Territorial de Lugo de Medio Rural e o alcalde de Ribadeo. Ao longo deste día participarán especialistas de entidades privadas e tamén da Consellería de Medio Rural rematando cunha un visita a cooperativa CLUN
A segunda xornada será unha homenaxe ao Servizo de Extensión Agraria que estivo ata o ano 2022 en funcionamento, contando coa presenza de profesionais de toda Galicia que desenvolveron a súa etapa profesional nas Oficinas de Extensión Agraria. Acompañarase esta xornada coa proxección dun vídeo retrospectivo do traballo de Extensión Agraria presentado por Anxo Vázquez, ex-tensionista e tamén ex-director do programa Labranza da TVG.
Segundo Gómez “os profesionais extesionistas foron unha peza fundamental no desenvolvemento do sector agrario sendo os protagonistas de moitos dos avances técnicos novidosos que foron introducidos no ámbito produtivo naqueles tempos, e que hoxe seguen vixentes, como o ensilado, o muxido mecánico, as estabulacións libres, as concentracións parcelarias, e tamén no ámbito social como o traballo desenvolto polas axentes de economía doméstica”.
Dende a SGPF sinálse que “tiñamos a obriga de facer un recoñecemento público aos técnicos e técnicas de Extensión Agraria que tanto nos ensinaron e aportaron ó mundo rural, e que tan necesarios son hoxe en día. Tamén co desexo de que estes perfís profesionais poidan ser “recuperados” e postos en valor pola Consellería de Medio Rural”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
