A previsión da Consellería de Vivenda e Planificación de Infraestruturas é iniciar a primeira fase dos traballos, entre os quilómetros 5 e 20+090 desta vía autonómica, nos municipios de Viveiro e Ourol, neste verán, cun prazo de execución de 24 meses
Santiago de Compostela, 14 de maio de 2024. A Xunta publica no Diario Oficial de Galicia (DOG) a convocatoria, nos meses de maio, xuño e xullo, dos titulares dos terreos necesarios para executar as obras de acondicionamento da estrada LU-540 entre Viveiro e Cabreiros.
Esta actuación, na que a Xunta de Galicia investirá un total de 15 M€, permitirá o a mellora da capacidade desta vía autonómica en sentido Viveiro-Lugo, que se abordará en dúas fases, aínda que as expropiacións cobren o trazado completo nos concellos de Viveiro, Ourol, Muras e Xermade.
Así, o DOG recolle hoxe este anuncio polo que se convocan os actos para o levantamento de actas previas á ocupación os días 28 e 29 de maio, entre as 09.00 e as 13.30 horas, na sala multiusos do Concello de Viveiro. Continuarán o día 30 no salón de plenos do Concello de Ourol, onde se desenvolverán entre as 09.00 e as 12.30 horas; e o día 4 de xuño no salón de plenos do Concello de Muras, de 09.00 ás 12.30 horas. Rematarán o 5 de xuño na biblioteca pública municipal de Xermade, de 09.00 ás 13.00 horas.
Posteriormente, o acto da formalización das actas de ocupación levarase a cabo os días 8 e 9 de xullo na mesma sala multiusos do Concello de Viveiro; o día 10 no salón de plenos do Concello de Ourol; o día 11 no salón de plenos do Concello de Muras e o 12 na biblioteca pública municipal de Xermade. En todos os casos, o horario será de 09.00 ás 13.30 horas.
No seguinte enlace ao DOG pode consultarse esta información: https://www.xunta.gal/dog/Publicados/2024/20240514/AnuncioG0181-250424-0001_gl.html
Cómpre lembrar que a Consellería de Vivenda e Planificación de Infraestruturas ten en marcha a primeira das fases construtivas desta actuación, na que vai investir 8,2 millóns de euros e que ten un prazo de execución de 24 meses. O proxecto atópase en fase de contratación e a Xunta recibiu 11 ofertas para executar estes traballos, que se desenvolverán no treito da estrada LU-540, situado entre os quilómetros 5 e 20+090, ao paso polos municipios de Viveiro e de Ourol, cun total de 146 predios afectados. Das citadas 11 ofertas, 6 están conformadas por UTE, o que suma un total de 17 empresas. A tramitación en paralelo dos procedementos de adxudicación da obra e de expropiación ten como obxectivo o inicio das obras en verán.
No que se refire á segunda fase do proxecto, os traballos desenvolveranse entre os puntos quilométricos 20+090 e o 39+520, nos concellos de Muras e de Xermade. Neste treito, as actuacións centraranse no aumento da capacidade da vía nalgúns tramos en rampla, mediante a incorporación dun carril adicional para vehículos rápidos, reducindo a distancia entre os treitos de adiantamento contiguos.
A actuación na LU-540 permitirá reducir o tempo de viaxe e aumentará a seguridade no traxecto entre Viveiro e Lugo, con carrís de adiantamento, rectificación de curvas, reforma de interseccións e renovación do firme de todo o treito. Esta intervención fará posible que en todo o trazado se permita circular a 90 km/h.
A Xunta segue avanzando nos obxectivos da actuación de reforzar a competitividade territorial das comarcas da Mariña e da Terra Chá, mellorar a seguridade viaria dos condutores e ofrecerlles aos veciños desprazamentos máis cómodos e eficientes.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.