Montserrat Valcárcel advirte que a Xera precisaba intensificar o seu labor como “instrumento válido e validado” pola cadea forestal-madeira
Santiago de Compostela, 15 maio 2024. A portavoz de Montes e Industrias Forestais, Montserrat Valcárcel, reclamou ao Goberno do PP que rectifique a súa decisión de suprimir a Axencia Galega da Industria Forestal, cuxo papel resulta clave para impulsar o conxunto do sector forestal e da madeira e “cando tiña un compromiso e unhas liñas de traballo” en apoio desta cadea de valor con base no monte galego.
Nunha pregunta en Pleno parlamentario, Valcárcel pediu explicacións ao Executivo por unha decisión que baleira as competencias da axencia en favor da Consellería de Industria, algo que considerou incomprensible “cando se trata dunha industria vinculada ao territorio, onde a súa boa xestión é chave para industrializar”.
A deputada nacionalista recordou que Xera, creada en 2017 coa misión de actuar como instrumento de xestión para impulsar a industria forestal e articulada actualmente na Consellería do Medio Rural, ten un labor recoñecido na cadea forestal-madeira, quen celebrou no se día o seu paso precisamente dende Industria “ao lugar que lle corresponde, onde se xestiona o rural”.
Nun contexto no que “resulta imprescindible unir recurso, transformación e mercado”, o BNG considera preciso o mantemento dunha axencia que “precisaba consolidarse e intensificar o seu labor, sendo un instrumento válido e validado por todo o sector”.
“Os obxectivos da Xera só principiaran, estábase impulsando o uso da madeira estrutural na construción e comezábase a innovación nas distintas fases de transformar a madeira, a coordinación cos grupos de investigación e tamén o emprego de calidade”, afondou Valcárcel.
A portavoz de Montes recriminou ao Executivo do PP a ausencia dunha planificación que valorice o aproveitamento e multifuncionalidade do monte, fomentando unha diversificación produtiva que traería como consecuencia “un sector forestal galego forte, con protagonismo das nosas especies autóctonas e con usos diferentes e de calidade, así como un aumento da demanda de madeira certificada competitiva no mercado”.
Neste sentido, cuestionou á conselleira de Economía e Industria, María Jesús Lorenzana, pola estratexia que ten a Xunta para acabar de desenvolver os programas pendentes, como o Plan Estratéxico da Industria Forestal-Madeira, ou as axudas á formación, “sen a Xera”.
Por último, Valcárcel reclamou un incremento da contía achegada pola Xunta á investigación forestal, unha investigación centrada en “todas as posibilidades que ofrece a madeira para acadar unha maior rendibilidade das masas forestais”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
