Nunha Tarde Laranxa con final de liga e inicio de Playoffs, as Guerreiras Laranxas superan ao Viaxes Amarelle que xa estaba sentenciado ao descenso tras a vitoria do Marín
Burela, 25 de maio, 2024. Ás 18.30h desta tarde, no pavillón municipal Vista Alegre, de Burela, disputábase o último partido da liga regular de Primeira División Iberdrola, o derbi galego da a xornada 30, Pescados Rubén Burela FS – Viaxes Amarelle FSF, cun resultado final 2-1. Nunha Tarde Laranxa cun Vista Alegre a rebordar e con gran presenza da afección do conxunto rival, ao rededor de 700 espectadores, entre eles o responsable da sección feminina da RFEF e Vicepresidente da RFGF, Pablo Prieto. Nun encontro competido pero con claro dominio das locais, as coruñesas tentaron remontar o partido en todo momento sen perder nunca a ilusión e a forza dun encontro no que fixeron fronte ás primeiras clasificadas.
Comeza o partido e no minuto 1 Antía tira ao pau case á escuadra, continúa o xogo e no 3 a primeira do conxunto rival, cun disparo de Chuli que detén Ana Eliza. Sucédense as primeiras rotacións e no 6 paradón de Leti a un disparo moi potente de Patricia. No minuto 7 ocasión clarísima de Emilly nun tiro afastado que rebota na cepa do pau e no mesmo minuto chega o primeiro das locais cun disparo de Patricia que fusila á porteira tras un rexeite dun disparo de Emilly. No minuto 11 outro paradón de Leti Rojo frea o segundo das de Julio Delgado, que continúan presionando, buscando unha vantaxe que as leve ao descanso con máis tranquilidade, no mesmo minuto volve Leti a desviar un disparo de Antía Pérez. No minuto 13 Irene Samper xera dobre ocasión con dobre parada de Leti Rojo a dous disparos similares desde a liña da área. Pouco despois Patricia case se come á porteira do conxunto coruñés que detén o intento de puntuar. A tres minutos do fin do primeiro tempo uno dos paradones de Ana Eliza a un disparo frontal e con poucas ocasións máis remátase a primeira parte.
Na segunda parte sae á portería Caridad, tras dous meses de baixa. Poucas ocasións nos primeiros minutos, unha clara de Antía Pérez que tira ao pau no minuto 25 e triplo paradón de Leti no mesmo minuto. No 32 Dany case anota o segundo nunha moi boa transición na que chega a portería case soa ante a porteira que detén o disparo. Un minuto despois Rafinha lanzaa fóra rozando o segundo pau. No minuto 35 Piru comeza a presionar con xogo de 5 sacando a Lau Doce de porteira xogadora. No 37, presionando de 5, Lau Doce case empata pero Caridad detena cun paradón espectacular, lanza a portería baleira e anota o 2-0. Un minuto despois Èlia consegue o 2-1 rematando a pracer unha diagonal de Lau Doce e sentenciando o último partido da liga regular para ambos os conxuntos.
Remata a liga regular, o conxunto visitante, sentenciado ao descenso tras a vitoria do Marín, pode volver á casa coa cabeza ben alta. Doutra banda as nosas Guerreiras Laranxas comezarán a fin de semana que vén a fase de Playoff polo Título coa primeira semifinal, en casa, xogando co factor cancha, noutro derbi, o clásico derbi Pescados Rubén Burela FS – Poio Pescamar FS. Un encontro que se disputará en plenas Festas Patronais de Burela que esperamos continúen no pavillón Vista Alegre ás 18.00h.
Ficha Técnica Pescados Rubén Burela FS 2-1 Viaxes Amarelle FSF
Pescados Rubén Burela FS (2): Ana Eliza; Dany, Cilene, Antía Pérez, Noelia Montoro – cinco inicial-, Emilly, Irene Samper, Patricia, Rafinha, Cris Blanco, Caridad. Entrenador: Julio Delgado.
Viaxes Amarelle FSF (1): Leti Rojo; Èlia, Lau Doce, Estelita, Chuli -cinco inicial-, Lobo, Cris, Carol, Carlita, Pau, Dupuy. Entrenador: Raúl Castro “Piru”.
Goles: 1-0, min.7: Patricia. 2-0, min.37: Caridad. 2-1, min.38: Èlia.
Árbitros: Roberto Amor, Pablo Enrique Guntín, Ólivier Cardero, Berta García.
TA: Antía Pérez, Laura Doce, Chuli.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
