Viveiro, 31 de maio de 2024. A tenenta de alcaldesa do Concello de Viveiro e responsable da área de medio ambiente, Míriam Bermúdez, informa do comezo do servizo de praias, que por primeira vez será do 1 de xuño ao 30 de setembro.
“Ampliamos este ano un mes o servizo de praias, que inclúe a apertura dos aseos, a limpeza diaria dos areais, o desbroce do paseo marítimo en Area e Covas, os cribados e a colocación das pasarelas de acceso ás praias”, explica Míriam Bermúdez.
Viveiro espera un verán de alta ocupación e o concello quere dar o mellor servizo tanto á veciñanza como aos turistas.
“Ademais, poñemos en marcha novas medidas para protexer as dunas da praia de Area, cumprindo cos criterios requeridos para a bandeira azul e a Q de Calidade”, engade a tenenta de alcaldesa.
Entre as actuacións de protección, está a retirada de tres duchas que están na duna reubicando unha no paseo e, por outra parte, este verán non se vai facer nada para cambiar o transcurso do río, ao estar prohibido por Medio Ambiente. Por outra parte, os colectores de lixo estarán nos accesos ao areal.
“Para protexer a duna de Area, desde o concello solicitamos unha subvención para a retirada de especies invasoras, substituíndoas por especies autóctonas”, afirma Míriam Bermúdez. Ademais, estase valorando coa Demarcación de Costas o estudo dun proxecto para a duna da praia de Covas, cunha actuación que permitirá retirar tamén as invasoras.
Está pendiente a contratación de persoal socorrista para o verán, xa que o concello está á espera da convocatoria anual da Xunta para a contratación deste tipo de persoal, que a día de hoxe aínda non está publicada.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
