Nestes momentos hai 6 cans e cadelas dispoñibles para a súa adopción, que se entregarán vacinados, con chip e esterilizados
Viveiro, 4 de maio de 2024. A Tenencia de Alcaldía de Viveiro e a asociación Gadoupas buscan persoas voluntarias para participar no servizo municipal de atención aos cans abandonados ou que precisan ser acollidos.
Na zona habilitada en San Roque para esta actividade hai nestes momentos 6 cans en adopción, o que fai necesaria a chegada de novos voluntarios e voluntarias, así como a búsqueda de persoas interesadas en adoptar os animais.
Estes cans e cadelas son Penedo, un cruzamento de mastín de 3 anos; Kira, un cruzamento de border collie dun ano; Dixon, un mestizo de tamaño grande de 6 anos; Ares, un mestizo de tamaño mediano-pequeno de 4 anos; Vega, unha mestiza de tamaño pequeno dun ano; e Area, unha mastín de 6 anos.
Gadoupas é unha asociación sen ánimo de lucro que leva dende 2017 colaborando co Concello de Viveiro na atención aos cans. Danlles comida e todos os coidados veterinarios, e tramitan as adopcións. Todos os animais entréganse en adopción xa vacinados, con chip e esterilizados.
O Concello de Viveiro sufraga unha parte dos gastos desta actividade. Ademais, recentemente acometéronse obras de mellora no espazo, que permiten que os cans estean soltos sen problemas dentro do recinto.
Míriam Bermúdez, tenenta de alcaldesa e concelleira de Medio Ambiente, destaca “o gran labor realizado pola asociación Gadoupas” e chama á veciñanza “ao voluntariado e a adopción dos cans, para seguir garantindo que todos os animais de Viveiro estean atendidos nas mellores condicións”.
O persoal voluntario conta coa axuda das persoas que levan máis tempo para explicarlles como atender os cans e establecer as quendas para atendelos, darlles de comer e pasealos. O que se precisa para ser voluntario ou voluntaria é comprometerse a facer unha quenda de mañá ou de tarde ao longo da semana, no horario que sexa posible.
Para máis información pódese contactar con Gadoupas e a súa responsable Elena García nas redes sociais da asociación, presente en Instagram como @asociaciongadoupas e en Facebook como Asociación Gadoupas Viveiro.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
