O Presidente asinou con ASOPORCEL un acordo este martes para desenvolver este proxecto que ten como finalidade principal poñer en mans dos gandeiros e gandeiras as ferramentas necesarias para que as súas granxas acaden o máximo rendemento
Lugo, 11 de xuño de 2024. O Presidente da Deputación de Lugo, José Tomé Roca, asinou co presidente da Asociación de Criadores da Raza Porco Celta (ASOPORCEL), José Barreira Alonso, un convenio de colaboración mediante o cal a institución provincial realiza unha achega económica de 39.000 euros a esta entidade. O obxectivo deste acordo é impulsar un plan de fomento da produtividade, competitividade e rendibilidade nas granxas de porco celta.
José Tomé Roca avanzou que “coa firma deste convenio a Deputación colabora con este proxecto que ten como finalidade principal poñer en mans dos gandeiros e das gandeiras as ferramentas necesarias para que as súas granxas acaden o máximo rendemento. Ademais, este plan supón un importante impulso para a profesionalización do sector, para o asentamento das ganderías existentes e para atraer aos mozos e mozas a iniciarse na actividade gandeira como modo de vida”.
Nesta liña, as actividades que se van desenvolver dentro desta iniciativa son as de asesoramento xeral e formación dos gandeiros, orientación e control da xestión dos aspectos sanitarios da produción, así como das medidas de bioseguridade e do mantemento das instalacións. Igualmente, tamén se inclúen recomendacións sobre cuestións relacionadas coa alimentación dos animais, a trazabilidade da produción e asuntos comerciais e publicitarios.
Neste proxecto, que xa se vén realizando nos últimos anos, tamén se inclúen programacións integradas e individualizadas para cada unha das granxas, o que permitirá conseguir resultados de produción máis beneficiosos, en canto a cantidade e a calidade, así como mellores oportunidades comerciais.
O Presidente destacou que “esta colaboración demostra o noso compromiso co sector primario e agrogandeiro, que, sen dúbida, é un dos motores económicos da provincia, pois contribúe a crear riqueza, xerar emprego e, en definitiva, fixar poboación no rural da nosa provincia”.
ASOPORCEL
ASOPORCEL constituíse no 1999 e é a primeira e única asociación que agrupa aos produtores de raza porco celta en Galicia. A día de hoxe, esta entidade supón un piar clave para o sector, posto que realiza numerosas actividades de promoción, formación, profesionalización e especialización do sector gandeiro galego co fin de acadar un ámbito competitivo e sostible.
Na actualidade, a entidade conta con 136 granxas asociadas, sendo a maioría delas da provincia de Lugo, cun total de 74 socios e 2.480 cabezas.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
