Ribadeo, 29 de xuño de 2024. As bandeiras azuis locen xa nos areais ribadenses. O acto central tivo lugar esta mañá nas Catedrais.
O alcalde, Dani Vega, lembrou que Ribadeo conta con 7 praias e que manteñe os galardóns de Bandeira Azul e Q de Calidade Turística Os Castros, As Illas e As Catedrais.
Na súa intervención dixo que “co fin de cumprir co cometido do Concello de Ribadeo en canto a vixilancia, rescate e salvamento nas praias, na RPT municipal cóntase cun servizo composto por un xefe de grupo, 15 socorristas e 3 técnicos sanitarios mediante a modalidade de persoal laboral fixo-descontinuo.
Nun primeiro momento este persoal contaba cun contrato de 2,5 meses, que no presente ano 2024 se ampliou ata os actuais 3 meses. O contrato deste 2024 vai do 17 de xuño ao 16 de setembro, pero o servizo estará dispoñible nas praias dende o 17 de xuño ata o 8 de setembro, ambos incluídos, ao gozar das vacacións nos últimos días de contrato”.
Vega sinalou que “a anterior dotación de persoal está deseñada para dispoñer de servizo de socorrismo nas praias de Os Bloques, Os Castros, As Illas, Esteiro e As Catedrais, pois son as de maior afluencia no municipio”. Este servizo estaría formado do seguinte modo: As Catedrais en todo momento 1 sanitario e entre 2-4 socorristas en función da marea; Esteiro: 1 socorrista; As Illas: 2 socorristas; Os Castros: 1 sanitario e 2 socorristas; Os Bloques: 1 socorrista; apoio zodiac: con 2 socorristas.
Pese a iso, nos últimos anos non se conseguiu contratar aos traballadores necesarios para atender esta necesidade por falta de candidatos, soamente chegando a cubrir as praias galardoadas con Bandeira Azul e Q de Calidade Turística”.
O alcalde explicou que “en concreto, na presente tempada de praias do Concello de Ribadeo, disponse actualmente dun xefe de grupo, 11 socorristas (fronte aos 15 desexados) e 3 técnicos sanitarios”.
No acto das Catedrais interviu tamén o presidente de Adeac, José Palacios. Asistiron as concelleiras de Turismo e Seguridade, Marta Saiz e Montse Seijo, o presidente do Real Club Náutico de Ribadeo, así como representantes do Círculo Habanero da Devesa, das asociacións veciñais da Devesa e da Rochela, o xefe da Policía Local, miembros de Protección Civil e os socorristas e técnicos sanitarios que traballan nos areais ribadenses.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
