A cativada que resultou premiada, 13 nenas e nenos en total, pasará agora á fase provincial deste concurso, organizada pola Biblioteca Pública de Lugo
Burela, 13 de xuño de 2024. A Biblioteca Pública Municipal de Burela fai entrega dos premios da fase local do concurso de narración e debuxo infantil Letras Galegas 2024.
A nova edición deste certame tivo como tema “Ler para pensar, pensar para ser libres”, e foi organizado en Burela polo Concello a través da Delegación de Cultura e a Biblioteca Municipal.
A cativada que resultou premiada, 13 nenas e nenos en total, pasará agora á fase provincial deste concurso, organizada pola Biblioteca Pública de Lugo.
A entrega de premios da fase local tivo lugar onte na Casa da Cultura de Burela, e contou coa participación da alcaldesa Carmela López, que quixo “felicitar a todas as nenas e nenos participantes polos marabillosos traballos que presentaron, que amosan o seu compromiso coa lectura e a nosa lingua”.
Pola súa banda, a concelleira de Cultura, Lina Gómez, aproveitou a ocasión para “seguir animando a toda a cativada de Burela a que nunca perdan a ilusión por escribir e debuxar e sigan participando nestes certames”.
No concurso de narración resultaron premiados na categoría ata 8 anos Teo Domínguez García, Aldara Níñez Gómez e Leo Fraga Río, todos eles estudantes do CEIP Vista Alegre.
Na categoría de 9 a 11 anos resultaron premiadas Noa Mera Braña e Sara Álvarez Fernández, tamén do CEIP Vista Alegre. E na categoría de 12 a 16 anos, Jimena Domínguez García do CEIP Vista Alegre, Ana Lestao Ben do IES Perdouro e Jorge Melo Reigosa do CEIP Vista Alegre.
Por outra banda, no concurso de debuxo infantil, gañaron a categoría ata 8 anos Naia Fontenla Suárez do CEIP Vista Alegre e de novo Teo Domínguez García e Aldara Níñez Gómez.
A categoría de 9 a 11 anos foi gañada por Pedro Cociña Lestao do CEIP Virxe do Carme e por Ivan Nadiel Miranda Afanador e Uxía Níñez Gómez do CEIP Vista Alegre.
Finalmente, a categoría de 12 a 16 de debuxo foi gañada de novo por Jimena Domínguez García e Ana Lestao Ben, así como por Hugo Rivas Méndez do CEIP Vista Alegre.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
