Barreiros, 20 de xuño de 2024. A alcaldesa de Barreiros, Ana Ermida, e a concelleira de Saúde Pública, Montse Porteiro, visitaron hoxe a finalización e posta en marcha das obras que se estiveron realizando nos últimos meses no abastecemento de auga. En concreto, achegáronse ao depósito da Folgueirosa, situado en San Cosme, e desde o que se abastece ás parroquias costeiras.
Durante a visita comprobaron a instalación de novas chaves no depósito que veñen a substituír ás existentes con máis de 30 anos, e a posta en marcha dunha nova tubaxe que permitirá mellorar a chegada de auga potable á costa en momentos de máxima demanda.
A alcaldesa explicou que “estas obras son só unha parte das que se realizarán nos próximos meses, despois de ter realizado un exhaustivo estudo da situación do abastecemento e das posibilidades existentes.” Deste xeito, a rexedora acadou o compromiso da área de Rural da Deputación de Lugo para afrontar o cambio de bombas de impulsión que mellorarán os caudais que se poden obter e tamén para a redacción dun proxecto de obra para a substitución da tubaxe principal entre San Caetano e a Folgueirosa, “que sería a solución óptima para a mellora do abastecemento costeiro”, explica.
A concelleira delegada, Montse Porteiro, anunciou que “este investimento é unha primeira mellora que decidimos levar adiante ao ser a tecnicamente posible neste momento, xa que o resto de investimentos a realizar requiren dun maior tempo e complexidades técnicas que fan necesario contar con proxectos de execución.” Neste sentido, anunciou que o investimento realizado con estas obras supera os 10.700 euros; “pero o investimento previsto nos vindeiros meses para lograr unha mellora importante é de máis de 50.000 euros cunha substitución das bombas de impulsión que permitirán duplicar o caudal que chega ás tubaxes en épocas de máxima demanda, mellorando así o servizo de abastecemento en domicilios”.
Porteiro sinalou que desde finais do verán pasado tiveron numerosas reunións técnicas e de coordinación, tanto con persoal propio como externo, para pór sobre a mesa a problemática e analizar as distintas alternativas, tendo en conta a situación de inicio e as posibilidades temporais e económicas. Neste sentido, explicou que “o traballo desenvolto é continuo e vanse realizando as actuacións segundo é posible coa intención de ir poñendo en marcha melloras que acumuladas, aporten unha melloría cuantitativa e cualitativa ao servizo”.
Segundo os datos que se manexan a día de hoxe, en base aos estudos que continúan realizándose, o investimento a realizar para lograr unha mellora substancial e a medio prazo do servizo sería de arredor de 5.000.000 de euros, que o goberno municipal tratará de obter doutras administracións unha vez que conten cos documentos técnicos definitivos.
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
A proposta combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos. As entradas, cun prezo de 5 euros, poderán adquirirse no despacho de billetes desde unha hora antes do inicio. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
A actividade conta coa colaboración do Concello.
O presidente, José Luis Sáez, agradeceu o apoio da empresa, clave para reforzar os equipos nesta segunda volta e garantir a continuidade da entidade, que segue loitando pola permanencia en Primeira División Iberdrola e Segunda División.
