Ribadeo, 19 de xuño de 2024. Os establecementos asociados a Acisa repartirán 160.000 rifas entre o 21 de xuño e o 14 de xullo, xornada na que terá lugar o sorteo da viaxe a Cuba no marco do Ribadeo Indiano 2024. Será tras o remate do concerto que Vicente García ofrecerá na rúa San Roque.
A presidenta de Acisa, Carmen Cruzado, manifestou: “dende Acisa quixemos poñer os máximos recursos posibles a disposición dos nosos socios e socias para contribuír a facer o mellor Ribadeo Indiano posible e deste xeito dinamizar a economía local. E por iso neste 2024 volve o sorteo dunha viaxe para dúas persoas a Cuba. Somos conscientes do éxito que tivo esta iniciativa De Ribadeo a Cuba nas edicións pasadas e consideramos que non podía faltar este ano. Será a cuarta vez que desde o Ribadeo Indiano enviemos ás Américas a unha parella no mes de setembro. Dende Acisa estamos a traballar para premiar e fidelizar as compras na nosa vila nunha época na que comezan as rebaixas e aumenta a afluencia turística e sen dubida este sorteo axuda”.
O xerente de Acisa, Jesús Pérez, explicou que “a viaxe que se sortea é para dúas persoas e será para desfrutar do 8 ao 15 de setembro de 2024. O premio cubre o vo Madrid-Habana-Madrid, así como as estancias en hoteis de 5 estrelas (aloxamento e almorzo) tanto en La Habana como en Varadero, o visado a Cuba e o seguro básico de viaxe, entre outros complementos extra”.
Pérez Prada indicou que “participar no sorteo é moi sinxelo. As rifas estarán a disposición dos clientes nos establecementos asociados a Acisa do 21 de xuño o 14 de xullo. O único que teñen que facer é pedir as rifas tras o gasto realizado. As papeletas deberán ir debidamente seladas polos establecementos. O sorteo De Ribadeo a Cuba será presencial o dia 14 de xullo tras a actuación de Vicente García. É moi importante destacar e incidir en que a rifa debe conservarse ata o mesmo 14 de xullo e que ese día de 12 da maña a nove da noite, as persoas que teñan rifas no seu poder, deberán introducilas na urna que estará instalada fronte aos Cocos. Na urna deberá quedar a parte pequena da rifa co selo do establecemento e haberá que conservar a parte grande para o sorteo. Non serán validas as papeletas sen o selo dos negocios. As bases do sorteo están dispoñibles na web e redes sociais do Ribadeo Indiano e de Acisa. Tamén figurarán na rifa e no cartel identificativo dos establecementos asociados as normas básicas”.
O xerente de Acisa engadiu: “este ano editáronse 160.000 rifas, son 10.000 mais que o ano pasado debido ao éxito do sorteo. Sendo moi prudentes, facendo unha media de 4 rifas por compra e unha media de 40 euros de valor de cada compra estariamos a falar de que so co sorteo estariamos xerando 1.600.000 euros de impacto na economía local de Ribadeo nas tres semanas que dura campaña”.
Cruzado Iglesias, a presidenta do colectivo empresarial, tivo palabras de agradecemento para as administracións e para os patrocinadores: “quero agradecer de forma especial, en primeiro lugar ao Concello de Ribadeo, co que seguimos a coorganizar o Ribadeo Indiano e que continúa confiando nesta actividade tan exitosa e á Xunta de Galicia,que cofinancia esta acción de dinamización comercial. E tamén quero dar as grazas aos nosos patrocinadores, de forma moi especial, a Cervexas Alhambra, que colabora co Ribadeo Indiano na súa liña de compromiso por apoiar todas aquelas experiencias únicas pensadas para desfrutar sen prisa e dedicando a cada cousa o tempo que se merece; ao Banco Sabadell e a Caixa Rural, que afianzan e aumentan a súa colaboración con nos, e a Vitaldent e o Restaurante Marinero, que se incorporan como patrocinadores do Ribadeo Indiano nesta edición. Sen a súa inestimable axuda non poderiamos poñer en marcha este sorteo”.
A presidenta de Acisa subliñou: “dende Acisa Ribadeo queremos resaltar o noso compromiso coa organización do Ribadeo Indiano e como consecuencia co traballo en estreita colaboración co Concello de Ribadeo para levalo a cabo. Ambos aportamos o que somos capaces, cada un dende as súas posibilidades, para levar a cabo un gran evento que dinamice a economía local e fomente o turismo neste municipio”.
A concelleira de Turismo, Marta Saiz, indicou que “o Concello e Acisa traballamos desde hai meses estreitamente na organización do Ribadeo Indiano, que será unha cita moi especial neste 2024. Contaremos cun amplo programa de actividades, que xa están en marcha coas vésperas e as anvésperas, das que xa gozaremos estes días e ata a primeira fin de semana do mes xullo. O programa deste ano inclúe importantes novidades como a merenda campestre e o concerto de Roi Casal en Pedro Murias o día 6 ou o espazo gastronómico do que disporemos no centro social para poder atender á grande demanda existente do 12 ao 14 de xullo e que a maioría da xente que veña ao Ribadeo Indiano esas xornadas sen reservas previas poida comer aquí, sen necesidade de ter que desprazarse a outros lugares. Este importante evento culminará no barrio indiano de San Roque co concerto de Vicente García e co sorteo da viaxe a Cuba para dúas persoas o día 14”.
A edil ribadense engadiu que “contaremos con alicientes dabondo do 12 ao 14 de xullo para celebrar ao grande o noveno Ribadeo Indiano. Atoparémonos polas rúas, polas prazas, polas casas de comidas e de bebidas e por calquera recuncho da nosa vila”.
No acto de presentación do sorteo da viaxe a Cuba participaron a presidenta, o secretario e o xerente de Acisa Ribadeo, Carmen Cruzado, Felipe Fernández e Jesús Pérez, a concelleira de Turismo, Marta Saiz, así como Jesús González, responsable do Banco Sabadell en Ribadeo e José Luis Puente, xestor comercial de Alhambra.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
