Olalla Rodil exíxelle á Xunta do Partido Popular que non impoña a construción dunha fábrica de celulosa na Ulloa que sería unha auténtica bomba ambiental
Santiago de Compostela, 30 de xuño de 2024. O Bloque Nacionalista Galego vén de participar na multitudinaria mobilización que arrodeou a Xunta de Galiza con máis de 30.000 persoas en contra da macrocelulosa ALTRI convocada por “Plataforma Ulloa Viva” e a “Plataforma En Defensa da Ría de Arousa”. Como xa se viu na manifestación de Palas de Rei, hai unha maioría social que rexeita a instalación deste proxecto polo enorme prexuízo que tería para o río Ulla, para a ría de Arousa e para o conxunto do País.
A viceportavoz primeira do BNG, Olalla Rodil, salientou que “desde o BNG pedímoslle ao Goberno do Partido Popular na Xunta que non impoña a construción dunha fábrica de celulosa na Ulloa que sería unha auténtica bomba ambiental no corazón de Galiza”.
O proxecto industrial que Altri quere desenvolver en Palas de Rei, suporía un golpe mortal para unha comarca viva na que se asenta un sector agrogandeiro vizoso e produtivo, “lembremos que a Denominación de Orixe Protexida Arzúa-Ulloa representa a segunda de maior produción de todo o Estado español” subliñou Rodil.
Ademais, suporía un enorme prexuízo ambiental para un dos bens máis preciados que temos como é a auga, tanto no río Ulla como para na ría da Arousa. Olalla Rodil apuntou que “a Arousa produce o 70% do mexillón de Galiza e viven deste ecosistema único máis de 4 mil familias”.
A fábrica de Altri representa o modelo económico máis nocivo para este País. “Un modelo depredador e colonial” salientou Rodil. “Queren instalar no noso País unha fábrica contaminante que non queren en Portugal e que non pecha ningún ciclo produtivo en Galiza”. O BNG xa denunciou que o interese de Altri é producir 400 mil toneladas de celulosa para exportar deixando en Galiza un dano irreparable.
A viceportavoz nacionalista salientou que o Partido Popular quere que todas e todos nós paguemos con cartos públicos a destrucción deste país, 250 M€ que o PP quere conceder a Altri “para contaminar Galiza”.
“No BNG non o imos permitir, por iso estamos hoxe aquí, e seguimos defendendo que ese diñeiro público se invista no beneficio non dunha empresa portuguesa senón en beneficio de Galiza e das galegas e galegos”.
Neste sentido, o BNG segue a defender que os 250 M€ públicos que o PP quere darlle a Altri se invistan un plan dirixido a “rexenerar o río Ulla e a ría de Arousa”, así como “pechar ciclos produtivos que xeren valor engadido e riqueza aquí a través dun monte multifuncional e de proxectos de transformación agrogandeiros.
“Pedímoslle ao Partido Popular que deixe de porlle a alfombra vermella a esta empresa que quere instalar no corazón de Galiza unha auténtica bomba ambiental e que, por unha vez, se poña do lado dos galegos e das galegas” concluíu Rodil.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
