Os concelleiros do PP urxen actuacións para garantir a seguridade viaria e tamén para evitar que o seu mal estado afecte á economía local; xa que moitos veciños doutras localidades poderían deixar de usala e de achegarse a Vilanova para achegarse a servizos comerciais e de restauración
Lourenzá, 19 de xuño de 2024. O PP de Lourenzá fai un chamamento ao goberno municipal para que adopte medidas urxentes na estrada municipal que comunica Vilanova de Lourenzá con San Xusto debido ao seu “desolador estado”.
Os populares recollen as queixas dos veciños da zona e usuarios e advirten de varias deficiencias que poden supoñer riscos para a seguridade dos seus usuarios como son os grandes buratos que se suceden ao longo da vía que dificultan a circulación e aumentan o risco de sufrir accidentes, ademais da posibilidade de danar os vehículos.
Os concelleiros do Partido Popular tamén sinalan que na parte urbana da vía, onde conta con beirarrúas, estas se atopan sen acondicionar: cheas de residuos e con zonas de maleza.
O PP laurentino subliña a importancia de manter en bo estado as vías municipais principalmente “por seguridade”, pero tamén porque o seu mal estado deriva en que os condutores eviten o seu uso e remata por prexudicar aos negocios locais xa que “moitos veciños de concellos limítrofes empregan esta infraestrutura viaria para desprazarse a Vilanova tanto por motivos laborais como para acceder a servizos comerciais e de restauración”.
IMPACTO NEGATIVO NA ECONOMÍA LOCAL
Á vista de que “a situación actual desta vía impacta negativamente na economía local”, os populares agardan que os responsables do goberno local tomen medidas de forma inmediata para reparar e mellorar a vía.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
