Ribadeo, 20 de xuño de 2024. A Área de Turismo incrementa a súa oferta en visitas guiadas e este ano contará con 13 roteiros diferentes, poñendo en valor espazos que ata o de agora non estaban tan presentes, como é o caso do Forte de San Damián.
A concelleira de Turismo, Marta Saiz, explicou que “poñemos en marcha esta visita ao Forte de San Damián aproveitando a celebración do 400 aniversario da súa creación. Terá lugar todos os luns a partir do 1 de xullo. E co afán de poñer en valor o Camiño de Santiago e o Santuario de Nosa Señora das Virtudes retómanse as visitas a esta capela, que alberga un dos conxuntos de pinturas murais tardomedievais máis importantes de Galicia. Ésta poderase visitar os domingos ás 11:30 da mañá”.
A edil ribadense contou que “a estes percorridos que toman protagonismo, súmanse as xa coñecidas visitas guiadas polo centro, as xeorutas e as visitas teatralizadas, que ano tras ano acadan todas elas un gran éxito, podendo disfrutar así cada día cunha visita guiada diferente”.
Saiz indicou que “o mércores será a quenda do Ribadeo Indiano, un paseo guiado para coñecer a historia viva da pegada da emigración a ultramar. No Ribadeo Antigo mostrarase a parte da muralla e o entramado de rúas que prevalece da época medieval. Estas visitas serán os venres. Xa na fin de semana o protagonista será o Ribadeo Ilustrado, que nos levará á época de esplendor do porto comercial, cuxa figura protagonista é Raimundo Ibáñez”.
A concelleira de Comercio e Turismo dixo que “a estas súmanse tres visitas teatralizadas: unha polo Ribadeo Ilustrado que terá lugar os xoves ás 20.30 horas a cargo do grupo de teatro Os Quinquilláns; e as visitas teatrais ao Ribadeo Indiano durante a fin de semana: o sábado ás 12 horas con Suso Martínez, guía-actor, e o domingo ás 20:30 horas con Susana Álvarez, actriz ribadense”.
Marta Saiz declarou: “por último, falando da importancia do patrimonio natural e concretamente do xeolóxico organízanse 4 xeorutas: a da ría para descubrir a súa orixe e a súa evolución; a dos Pregues, unha das maiores estruturas xeolóxicas da Mariña Lucense, o gran pregue que se estende dende a ría de Foz ata a de Ribadeo; a dos Ollos, un dos tesouros xeolóxicos do treito litoral do famoso pobo mariñeiro de Rinlo; e a dos Arcos, nunha visita onde se localiza o conxunto de arcos rochosos máis importante da Península Ibérica”.
Saiz engadiu que “todas estas visitas serán de balde, pero con prazas limitados. Para formalizar a reserva, deberán entrar na sección de Momentos da páxina web turismo.ribadeo.gal. Tamén poden conseguir máis información chamando ao teléfono 982 128 689”.
A edil tivo palabras de agradecemento para as empresas locais: “dende o Concello queremos agradecer á empresa privada, xa que o noso destino turístico ten o privilexio de contar cunha gran variedade de empresas de turismo activo e asociacións deportivas que ofrecen interesantes opcións para descubrir e gozar do noso entorno, como paseos en barco, aluguer de embarcacións, o Laberinto de Rinlo, o tren turístico, motos de auga, aluguer de bicis ou canoas, piragüismo, etc… ás que se suma este ano a posibilidade de facer paseos en barco ata a praia das Catedrais. Esta tempada estival prevense bos datos de afluencia e Ribadeo está preparado para poñer en valor o seu patrimonio cultural e natural de forma didáctica e atractiva”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.