A actividade, enfocada ao sector hostaleiro da comarca, servirá tamén para presentar o Manual de Boas Prácticas na IXP Terras do Navia, elaborado pola Asociación Galega de Viticultura e FRUGA
Barreiros, 8 de xullo de 2024. Os Colexios Vellos de San Miguel de Reinante, en Barreiros, acollerán o vindeiro venres 12 de xullo (17.00 horas) unha charla divulgativa e unha cata comentada sobre os viños da IXP Terras do Navia, organizada pola Asociación Galega de Viticultura e a FRUGA co apoio da área de Rural da Vicepresidencia da Deputación de Lugo e o Concello de Barreiros.
Os adegueiros Xosé Antonio Meixide, de Adega Bordel, e Manuel Cancio, da Adega Panchín, participarán no coloquio, que se completará cunha cata de viños das tres adegas que comercializan os viños co selo da IXP -ademais de Adega Panchín, Adega Sidrón e Bodega da Señora- da man do sumiller Martiño Santos.
O deputado de Rural Daniel García fixo fincapé no carácter divulgativo e formativo desta actividade coa que “achegamos os produtos da provincia de Lugo aos locais de hostalería, para dalos a coñecer entre toda a poboación. Este selo de calidade foi recoñecido fai un ano e medio, polo que o seu percorrido é moi breve, pero dende as adegas celebran que o produto ten cada vez máis interese e eventos coma este axudan a aumentar a súa repercusión nos circuítos curtos de distribución”.
Así mesmo, o técnico de FRUGA Javier Monteagudo defende estas actividades como “unha formación necesaria para os hostaleiros de Barreiros, que cada verán contan cun gran número de visitantes e veciñanza nos seus negocios. Isto permite dar a coñecer os caldos das Terras do Navia a novos mercados”.
Manual de Boas Prácticas na IXP Terras do Navia
A xornada acollerá tamén de presentación do Manual de Boas Prácticas na IXP Terras do Navia, un documento que servirá para guiar aos adegueiros e adegueiras deste selo de calidade en todos os procesos de creación do viño, dende o cultivo ata a comercialización, pasando polo proceso de elaboración e explicando tamén o marco normativo e o mantemento da maquinaria, elaborado pola Fruga e a Asociación de Viticultura de Galicia, estará dispoñible acceso público a partir da presentación.
O deputado de Rural Daniel García destacou a importancia deste arquivo que permitirá “unificar a produción e que as adegueiras e adegueiros poidan ter un manual de consulta ante posibles dúbidas. Hai que ter en conta que a IXP Terras do Navia é moi recente e estes documentos permiten mellorar e facilitar o traballo de todas e todos”.
Coa actividade que se celebrará o venres en Barreiros, concluén o ciclo de charlas divulgativas e catas promovidas pola área de Rural para ampliar o coñecemento da conca do Navia e dos seus viños tras lograren o pasado ano o certificado de calidade, que se celebraron tamén en Lugo, Vilalba e Viveiro.
Con elas, a área provincial deu continuidade á colaboración que mantivo nos dous últimos anos coa Asociación Galega de Viticultura, desenvolvendo diferentes accións de formación e asesoramento a mozos e mozas con interese por emprender o seu proxecto de vida vencellado aos viños de Terras de Navia, co obxectivo de recuperar a produción de viño na zona e reverter o abandono de viñedos que se deu nas últimas décadas.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
