Alfoz, 19 de xullo, 2024. Xa está nas librarías Nove lúas, a novela de Lionel Rexes distinguida co Premio Neira Vilas o pasado ano.
Publicada por Edicións Embora, esta obra supón a terceira novela do escritor alfocés tras A raíña das velutinas e A montaña do poeta, ambas lanzadas por Xerais en 2017 e 2022 respectivamente.
O xurado do certame literario destacou, á hora de escoller este texto “a fondura psicolóxica no tratamento dos personaxes e a súa fascinante maneira de enfrontar os desafíos dunha realidade desacougante”.
Nové lúas podería encadrarse no xénero do thriller, pois unha infinidade de misterios van tecendo a narración até desembocar nun labirinto de dilemas morais, inesperados xiros da trama e conflitos éticos.
Impregna o argumento un factor constante que se podería denominar xogo de sombras, pois baixo a trama planean esas dobres vidas que, polo xeral, se dan nos ámbitos rurais, onde todo o mundo se coñece.
Podería dicirse que todos os personaxes da novela esconden algo, de tal xeito, o xogo de máscaras obrigará o lector a descifrar as auténticas motivacións que impulsan cada movemento e actuación. Á sombra de todo isto, corrupción, paixóns pouco convencionais, furtivos encontros, incoherencias ideolóxicas, doenzas psíquicas que desencadearán resultados terríbeis e intereses bastardos conforman unha trama inquietante.
Recentemente tivo lugar a primeira presentación de Nove lúas en Vila de Cruces, localidade natal de Xosé Neira Vilas e lugar onde se atopa a sede da Fundación que leva o seu nome, entidade cultural que anualmente convoca diversos premios e actividades literarias. Proximamente terán lugar novas presentacións de Nove lúas noutras localidades.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
