A voceira, Eugenia Requeijo, afea a diferencia de trato destas festas con respecto a outras: na Romaxe Artesá da Chaira colocáronse vallas de madeira como medida de seguridade e noutras festas parroquiais si que hai carpa, mentres que na da capitalidade non porque estaba noutro concello gobernado polo BNG
Muras, 2 de xullo de 2024. O Grupo Municipal do Partido Popular advirte dunha “neglixencia bastante importante” por parte do alcalde de Muras ao non dispoñer de contrato nin seguros para as festas patronais de San Pedro da capitalidade municipal.
Os populares, dentro das súas tarefas de fiscalización ao goberno local, tiñan solicitado acceso ao expediente das festas patronais e tras comprobar que non existía contrato; a portavoz, Eugenia Requeijo, pediu explicacións no pleno do pasado mércores ao alcalde que se limitou a dicir -só dous días antes da celebración das festas- que “non existía contrato, pero que existiría”.
O alcalde non só “non compartiu as festas cos veciños”, senón que demostrou unha “total irresponsabilidade” por non adoptar medidas de seguridade na zona do campo da festa cando se prevía a visita de moita xente nin ter a documentación en regra como poden ser contratos e seguros. “Se chega a pasar unha desgraza, tería que ser o Concello co diñeiro de todos o que se fixera cargo porque o alcalde non fixo previamente o seu traballo”.
“Por sorte non pasou nada grave, pero si que caeu unha persoa ao río pola zona do paseo que coincide coa entrada á área recreativa onde se celebrou a festa e onde non hai ningún sistema de protección -nin fixo nin provisional- dende que un coche o levou por diante”, explica Eugenia Requeijo. A popular lembra que “xa pediramos no pleno de febreiro do 2023 a instalación de forma provisional de vallas ou unha cinta de advertencia do perigo, pero nin se colocou nada para advertir nin se repuxo o sistema existente nin se colocou outro novo”.
Eugenia Requeijo afea a diferencia de trato destas festas con respecto a outras. Para a celebración da Romaxe Artesá da Chaira “si se instalou unha valla de madeira no lugar para tratar de evitar situacións de risco para veciños e visitantes”. Así mesmo, engade que “tampouco se instalaron baños nin se abriron ao público os xa existentes”.
Ademais, “a carpa do Concello instálase nos campos das parroquias para as distintas festas, pero esta fin de semana das patronais de Muras cunha previsión de inestabilidade do tempo non estaba instalada na área recreativa da Veiga; senón noutro Concello gobernado polo BNG. Dende o PP de Muras non estamos en contra de que se preste porque a colaboración con todos sempre é positiva, pero non podemos entender que o Concello dispoña dun servizo e non o use en beneficio dos nosos veciños e veciñas que tivemos que estar á intemperie”.
Os populares subliñan que “ao alcalde non lle interesan as festas do pobo, só lle interesa cobrar o seu soldo e facer o mínimo das cousas básicas, aínda que entre elas non está velar pola seguridade dos nosos veciños e veciñas”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
