Os concelleiros populares solicitarán acceso ao expediente sobre as novas piscinas e que o goberno municipal dea explicacións aos vilalbeses
Vilalba, 1 de xullo de 2024. Os concelleiros do PP de Vilalba fanse eco das queixas dos usuarios polos graves incidentes nas novas piscinas exteriores da Madalena recentemente inauguradas polo goberno local. O chan é moi rugoso e chega a provocar, incluso, feridas nos pés dos nenos e nenas.
O Grupo Municipal Popular esixe ao goberno bipartito tomar medidas de forma urxente e dar explicacións aos vilalbeses e vilalbesas do que pensa facer ao respecto. Así mesmo, solicitarán formalmente ao Concello acceso ao expediente das novas piscinas.
Os populares explican que “todo parece indicar que o tratamento antideslizante do vaso das piscinas é moi abrasivo” e no caso da piscina dos máis pequenos é onde máis se acentúan os efectos negativos sobre os usuarios porque “a maior parte do tempo están facendo pé”. Os concelleiros recibiron queixas de nenos e nenas que “saíron cos pés sangrando ou que gastaron o fondo das chanclas que levaban vestidas”.
ACONDICIONAMENTO DE ESPAZOS PÚBLICOS
O Grupo Municipal Popular tamén pide ao bipartito de PSOE e Vilalba Aberta que “realicen o debido mantemento das zonas abertas ao público” ao apreciar que a terraza está chea de maleza. “As instalacións públicas que se empregan no verán deberían estar acondicionadas, como mínimo, antes do inicio do mes de xullo”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
