Os concelleiros do PP de Barreiros realizaremos unha recollida de sinaturas: “dado que nin BNG nin PSOE queren defender un interese xeral da veciñanza, apoiarémonos nos propios veciños para acadar a seguridade necesaria nesta praia para volvera disfrutar todos dela”
Barreiros, 17 de agosto de 2024. Dende o PP de Barreiros amosaron a súa firme repulsa ao intento da señora alcaldesa de silenciar á oposición ao negar o debate dunha moción presentada polos concelleiros populares para que Costas actúe e garanta a seguridade e o acceso á praia de San Bartolo, pero a rexedora unicamente dixo “que non era importante”.
O voceiro popular, José Manuel Gómez Puente, explica que “non é unha moción polémica, senón que pretendía buscar solucións para unha praia que leva catro anos pechada e que vemos como se seguen danando sen que nin o Concello nin o Goberno do Estado fagan algo para dar unha solución”.
José Manuel Gómez Puente afirma que “se a señora alcaldesa non quere debater algo que afecta directamente ao Concello de Barreiros e a todos os seus veciños, para que se celebran os plenos?”.
Dende a bancada popular explica que “nos plenos non se pode debater unicamente sobre o que lle interesa ao equipo de goberno do BNG” xa que “os plenos están para debater todos os asuntos que lle afectan aos barreirenses e o problema da praia de San Bartolo aféctanos a todos”.
“Amosamos a nosa firme repulsa ao intento do BNG e do PSOE de tentar silenciar á oposición ao negar o debate de cuestións que afectan a todos os veciños de Barreiros. En política hai que deixar falar a xente e logo que voten o que consideren”, sinalou.
A realidade é que o tempo segue pasando e os danos tamén polo que tamén está en perigo o paseo e as vivendas próximas: “temos que protexer a praia e o entorno entre todos”.
O voceiro popular puntualiza que o areal de San Bartolo “non é unha praia privada, como a señora alcaldesa pretende facer ver, é unha praia de todos, incluso podemos cualificalo de monumento natural de todos os veciños de Barreiros”.
Neste senso, comunican dende o PP de Barreiros que realizarán unha recollida de sinaturas para que, apoiados nos propios veciños, “esta praia volva a ser segura e todos poidamos desfrutar dela”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
