Viveiro, 13 de agosto de 2024. A Concellería de Medio Ambiente do Concello de Viveiro, liderada por Míriam Bermúdez, anuncia que o texto definitivo da nova Ordenanza Municipal de Convivencia, Limpeza e Residuos xa está listo para ser levado a pleno no próximo mes de setembro.
Esta ordenanza, elaborada co obxectivo de mellorar a calidade de vida e o benestar dos veciños, aborda de maneira exhaustiva diferentes aspectos que afectan ao día a día no municipio.
“Con esta nova ordenanza, queremos establecer unhas bases sólidas para garantir a limpeza e o respecto polo noso entorno, promovendo unha convivencia máis harmoniosa e respectuosa en Viveiro”, afirma Míriam Bermúdez, concelleira de Medio Ambiente.
Entre os puntos máis destacados que regula esta nova normativa inclúese a obrigatoriedade dos propietarios de cans de recoller os excrementos das súas mascotas en espazos públicos. Esta medida, que responde a unha demanda social crecente, busca garantir un entorno máis limpo e hixiénico para todos.
Ademais, os locais con terrazas en vía pública estarán obrigados a manter limpas as súas áreas, debendo varrer as terrazas ao final de cada xornada. Este requisito pretende evitar a acumulación de lixo e restos que poidan prexudicar a imaxe e o ambiente do municipio.
Outro aspecto relevante é a regulación do abandono de enseres na vía pública. A ordenanza establece a obrigación de notificar previamente ao Concello para a recollida de mobles e outros obxectos voluminosos. Esta disposición busca combater o depósito incontrolado de residuos e fomentar unha correcta xestión dos mesmos.
A loita contra o vandalismo tamén ocupa un lugar central nesta nova normativa. Prohíbense expresamente as pintadas e calquera tipo de dano ao mobiliario urbano, co fin de preservar os espazos públicos e garantir un entorno agradable para todos os cidadáns.
En relación co réxime sancionador, a nova ordenanza introduce un sistema de multas para aqueles que incumpran as normativas establecidas. As infraccións leves serán sancionadas cunha multa de 50 ata 750 euros, as infraccións graves con multas que irán de 751 a 1.500 euros, e as infraccións moi graves poderán acadar sancións de 1.501 a 3.000 euros. “Estas sancións non son un fin en si mesmas, senón un medio para garantir que todos contribuímos ao coidado do noso municipio,” engadiu Bermúdez.
A nova ordenanza representa un paso firme cara a unha convivencia máis harmoniosa e respectuosa en Viveiro, coa mirada posta na preservación do medio ambiente e na mellora da calidade de vida dos veciños. O texto será debatido e, previsiblemente, aprobado no pleno do mes de setembro, tras o cal entrará en vigor.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
