Ribadeo, 6 de agosto de 2024. Remataron as obras de mellora do Cargadeiro. O investimento ascendeu a 32.000 euros. O alcalde, Dani Vega, aposta polo mantemento constante deste espazo turístico co fin de evitar o seu deterioro.
O rexedor explicou que “remataron as obras da mellora do Cargadeiro. Desde logo estamos satisfeitos do traballo que se fixo, xestionamos en primeiro lugar un orzamento de 32.000 euros para mellorar e mimar todo un entorno medio ambiental, un pulmón importante para Ribadeo, un espazo turístico, e desde logo cando chegábamos ao Concello, encontramos que realmente estaba moi abandonado e non podíamos permitilo. E o que fixemos foi xestionar primeiro o orzamento e despois realizar as obras”.
Vega subliñou que “todos os danos que había na estrutura do Cargadeiro resolvéronse, tamén se mellorou todo o mobiliario, as infraestruturas do alumeado público, que estaban danadas tamén as melloramos, eliminamos todos eses grafites, eses adhesivos, esas pintadas, os danos nos paseos, as vagonetas que estaban en mal estado, en definitiva, melloramos todo un entorno que para nosoutros é moi importante”.
E engadiu: “nesa liña é na que vamos seguir, mellorando, mimando e coidando o que é de todos, e desde logo a nosoutros parécenos moi importante que o Cargadeiro teña un mantemento no tempo, é dicir non é arranxar agora e abandonar despois. Agora hai que conservar e hai que mimar todos estes espazos durante os anos vindeiros. Polo tanto, estes 32.000 euros significan unha posta clara por conservar o que de todos”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
